影片
更多
2017-02-24
725 浏览
平时都几钟意饮绿茶同食绿茶类既类品，严格黎讲我都算系一个绿茶控。前几日忽然间好想食绿茶雪糕，咁我就专登上网做下research揾下边度有绿茶雪糕，系机缘巧合之下揾到间有得食绿茶类产品又可以食绿茶雪糕既食店，佢就系京林屋。去到既时候，外面已经有人排紧队，好彩等左一阵就可以入。当打开本menu既时候，见到有好多茶类既食物拣，可以配合唔同爱茶者既需要。抹茶荞麦面：本身自己钟意食冷面，再加上又未试过食抹茶面，所以就选择左依个面。荞麦面点上冷面汁，咸味刚刚好，而荞麦面仲有淡淡既抹茶香味，而且面质软硬适中，好味。赞歧乌冬（热）：食完既冻既，就紧系食返热野中和一下。乌冬上面放左两旧墨鱼饼，鱼饼质感弹牙，同埋乌冬好爽口，而且个汤底好香浓添。甜品方面，分别选左焙茶类同绿茶类做甜品。焙茶芝士蛋糕配葡萄煎茶：芝士蛋糕有好香浓既茶味，而且芝士味重。另除左芝士蛋糕之外，旁边仲有焙茶雪糕+红豆+小丸子伴碟，雪糕茶味亦好香浓，一边食芝士蛋糕、一边食雪糕真系好夹。葡萄煎茶：第一啖饮落去，已经有阵阵既葡萄味拥出黎，感觉就好似食紧巨峰葡萄咁，好清新呀。食完甜品，依个茶绝对可以消济。香港限定芭菲：见到绿茶而且系限定㖞，紧系
去到既时候，外面已经有人排紧队，好彩等左一阵就可以入。
当打开本menu既时候，见到有好多茶类既食物拣，可以配合唔同爱茶者既需要。
抹茶荞麦面：本身自己钟意食冷面，再加上又未试过食抹茶面，所以就选择左依个面。荞麦面点上冷面汁，咸味刚刚好，而荞麦面仲有淡淡既抹茶香味，而且面质软硬适中，好味。
赞歧乌冬（热）：食完既冻既，就紧系食返热野中和一下。乌冬上面放左两旧墨鱼饼，鱼饼质感弹牙，同埋乌冬好爽口，而且个汤底好香浓添。
甜品方面，分别选左焙茶类同绿茶类做甜品。焙茶芝士蛋糕配葡萄煎茶：芝士蛋糕有好香浓既茶味，而且芝士味重。另除左芝士蛋糕之外，旁边仲有焙茶雪糕+红豆+小丸子伴碟，雪糕茶味亦好香浓，一边食芝士蛋糕、一边食雪糕真系好夹。
葡萄煎茶：第一啖饮落去，已经有阵阵既葡萄味拥出黎，感觉就好似食紧巨峰葡萄咁，好清新呀。食完甜品，依个茶绝对可以消济。
香港限定芭菲：见到绿茶而且系限定㖞，紧系叫黎试下啦。绿茶味雪糕好细滑，而且绿味好香浓，而下面既配料仲有小丸子、红豆、绿茶啫喱等，可以配料同雪糕包住一齐食，好味。
抹茶沙冰雪糕：沙冰上面有一球绿茶雪糕，食完几啖雪糕后，我就决定搅匀佢。成杯野饮抹茶味非常香浓，而且沙冰打后非常细，好饮。
张贴
