The Platter (悦品天秀酒店‧元朗) (已結業)

朋友知我好钟意食雪糕，介绍我去呢间餐厅，佢话包我满意。间餐厅喺酒店入边，晚餐系半自助餐形式，主菜我拣咗羊柳，其他食物e.g.前菜餐汤沙律同甜品就系自己出去攞嘅。本身对沙律都唔系好大期望，但估唔到个薯仔沙律同猪肉粉丝都唔错。主菜羊柳份量偏细，不过煮得几好，肉质鲜嫩又够软食，下面𠮶伴菜有惊喜，本身以为系薯仔，但食落原来系面团，咬落去烟烟银银好好味，点埋个汁食一流。甜品方面除咗雪糕之外， 面包布甸都唔错，可惜我挂住食唔记得影相🤣重头戏食雪糕，第一次食CocoBerry嘅雪糕就爱上左，口味有好多选择，比较特别嘅有麻辣味，真系超级特别，估唔到食落似麻辣火锅，唔会好辣又好食😋其他口味都真系够浓又易入口，结果作为雪糕控嘅我食完一杯又一杯，到最后都唔知自己食咗几多杯🙊餐厅做紧优惠有折扣，食到劲饱每人都唔洗$200，真系抵食。