一芳台灣水果茶 (已結業)

近排疯狂咁饮一芳，呢个月已经系唔知第四定第五次啦! 而且每次经过，都会有种心痒痒想入去买返杯嚟叹下。店舖环境舒适阔落，不过冇座位坐供等候，电子显示屏摆放的位置容易见到。宜兰金桔绿柑桔味好香。关西仙草茶好似食紧凉粉咁，茶味有少少苦。冬瓜柠檬露冬瓜味唔会淡口，有少少甜味，柠檬酸酸地，好夹。中华爱玉柠檬冇得拣热，唯有走冰啦! 杯嘢好酸，里面𠮶啲啫喱好滑。差唔多饮够十杯，吸满张印花卡，吸满咗十个印花就只系送一杯俾你咋!做紧叮当推广，所以印花要喺4月15号开始先至会补发返。