瘋鳥 (已結業)

去到长沙湾呢个被誉为美食天堂既地方，就决定试试呢间比较出名嘅Cafe。cafe环境唔错，音乐、灯光都调教得好舒适，有家的感觉。首先叫咗个芥末蜜糖鸡扒沙律，芥末蜜糖酱好好味，有d似千岛酱，配上刚刚炸起既鸡扒同沙律菜，喜欢食草既朋友们，可以一试，作为开胃前菜亦唔错。之后，主菜叫了三重芝士炸虾pizza，见到网上唔小人赞就决定试试，芝士极多！配上香脆饼底、蕃茄酱、大量拉丝芝士同巨形炸虾，感觉新颖，食落又够香口，唔错。两人食份量算好大，如果下次有几位朋友share就应该刚刚好。饮品方面，叫左个橙芒果沙冰，酸酸甜甜，开胃得黎又够fresh，将之前油腻感一扫而空，正！最后，作为麻薯窝夫🧇既fans，点可以错过，叫咗个特浓朱古力麻薯窝夫，麻薯窝夫烟烟unun 好有咬口，配上忌廉、熟透够味既香蕉、朱古力酱同埋朱古力雪糕，为呢一餐划上完美句号。🤤🤤整体黎讲，环境舒适、食物质素高、价钱亦合理，不过就要留意入座时间、晚餐时间未必有位，最好book定👍🏻。