蔡潤記 (已結業)

都有半年多无黎帮衬喇，好挂住啲肥美可口既人气猪粉肠啊，点知今次大失所望啰 ~猪粉肠，净系同上年 5月张相比较，已经可以睇到有好大分别，质数急跌，今次真系整得麻麻，腍劈劈、唔弹牙、瘦猛猛、唔系肥美胀卜卜，放得耐仲有啲风干左添，差呀。以前系肥美又嫰滑弹牙，搞咩呀？去左边度呀。鱼蛋鸳鸯加底加皮走葱，保持水准，好好味呀，豉油汤底香甜美味，鱼蛋鱼味够鲜够浓，口感又滑又弹。鱼皮斋食会有点咸，但放汤同吃就刚好，脆卜卜。面咽靭、河滑溜，时间啱啱好。阿姐们手脚比较慢，出货好慢，所以要食好野真系要耐心等候。我最爱既辣椒油依旧辣味十足，既香且辣，味道鲜甜可口，越辣越想添食，够刺激。鱼蛋河走葱，净系食一碗大既鱼蛋鸳鸯唔多够喉，整多碗细河粉先得，滑溜幼河粉配埋香浓豉油汤底，再每一啖都加超香辣既辣椒油渣，劲美味呀 ﹗蚝油菜芯，免免强强喇，略为有少少渣，未够鲜嫰。