夏捌月 (已結業)

今天工作太辛苦，仲预到激气嘢！唯有食餐好发泄下！荃湾市中心新开左一间西餐厅，之前想试吓，今晚一于去试菜。叫咗个二人餐，包晒餐汤、前菜、沙律、一款主菜、一款饭或意粉。餐汤我哋加钱转左龙虾汤，非常香浓仲有几粒龙虾肉，正！跟餐的面包亦都相当唔错！凯撒沙律蔬菜非常新鲜，酱料味道亦都啱啱好。白汁蓝青口size细，但好嫩滑！用面包点下佢啲白汁，非常美味！主菜可以拣一款意粉或饭，我哋拣咗卡邦妮蘑菇烟肉长通粉，上边铺左好多Parma cheese, 香浓美味主菜我哋拣咗和牛，果然牛扒嘅肉质非常嫩滑，食落去完全唔硬！去配衬嘅粗薯条同红菜头薯蓉都唔系日本餐厅提供嘅配菜，十分之有心思！餐茶叫咗热咖啡，配衬嘅甜品系软绵绵嘅蛋卷，都系高质素嘅！令你一餐画上完美嘅句号。