梅光軒 (登龍街) (已結業)

知道梅光轩系登龙街开左新店, 次次夜晚收工想食, 都系要排队, 终于今日上完training, 就啱时间3:30黎食Lunch, 原以为无咩人, 点知3:30都有7成满, 看来真系唔简单.一心谂住食最爱味噌海鲜拉面, 点知见到隔离既客食果碗连汤都饮埋就即刻转"灸烧叉烧拉面", 仲有得拣汤既味道, 最后拣左最出名既酱油.好快热辣辣既拉面送到, 卖相吸引, 第一淡先饮汤, 以为好咸, 但饮落汤竟然带鲜甜味, 不会死咸, 叉烧望落系猪腩肉, 但食落一点都唔肥腻, 加上烧过, 好惹味,  面非常弹牙, 最最最欣赏加入白芝麻粒, 其实$98一碗拉面都算有点贵, 但又觉得值得, 一大碗份量, 食完好想好想食甜品, 有汽球布丁, 蕨饼, 蛋糕, 真系好吸引, 但太满足食唔落, 唯有留待下次, 我有睇过MENU有半碗面, 到时就可以试多唔同类型既食品, 真心觉得这间非常体贴, 由一入门口即问热茶定冻茶开始, 拉面有半份, 照顾细食既客, 其他拉面选择又多, 照顾到唔同类型既客, 我觉得梅光轩同其他拉面店唔同,  个人认为系整条拉面街做得最出色