影片
更多
2017-08-06
60 浏览
提起登龙街好多人都系即时谂起拉面店、拉面店同拉面店，其实𠮶边都有龙虾包、甜品店等，而喺街头有一间挺新嘅越南野，叫越男仔，我地今日就去食左。周六下午茶时间去到，估唔到客人都不少，好在刚刚有人埋单，我地刚好唔洗等位。相信平日食饭时间会更多人，毕竟附近都好多番工人士。餐厅位置都几多，装潢新式，有卡位、适合人少少嘅高枱高櫈，部分饰物都几有文青感。餐牌有越式粉面、小食、任品，喜欢自选嘅朋友亦可以自己拣配料。不过留意，呢度系冇越式饭食架。喺铜锣湾而言，定价合理，点粉面更加可以优惠价配小食、饮品，而且免加一务费，性价比高，难怪keep住都有客人入座。我地今日想试多啲小食，所以只系点左一碗粉分享。落单后不久就上菜，速度非常快，转眼就上齐。如果唔想啲食物冻哂，或者要逐啲点。越式生牛肉牛骨汤河粉 $58：生牛河粉份量不少，牛肉都有好几大片，汤头够热辣辣，只系略嫌牛骨汤底味道唔算太香浓。牛肉片食落嫩腍，脂肪位置唔多，加少少鱼露或者枱面上已有椒丝，已经好好食。蒜香牛油鸡翼 $16/2件：正价24蚊，不过点左主菜(粉面)就可以优惠价加小食，鸡翼牛油味都几突出，鸡翼皮虽然比较厚身，但都几脆。冰镇蜜糖冻蕃茄 $35
餐牌有越式粉面、小食、任品，喜欢自选嘅朋友亦可以自己拣配料。不过留意，呢度系冇越式饭食架。
喺铜锣湾而言，定价合理，点粉面更加可以优惠价配小食、饮品，而且免加一务费，性价比高，难怪keep住都有客人入座。
我地今日想试多啲小食，所以只系点左一碗粉分享。落单后不久就上菜，速度非常快，转眼就上齐。如果唔想啲食物冻哂，或者要逐啲点。
越式生牛肉牛骨汤河粉 $58：生牛河粉份量不少，牛肉都有好几大片，汤头够热辣辣，只系略嫌牛骨汤底味道唔算太香浓。牛肉片食落嫩腍，脂肪位置唔多，加少少鱼露或者枱面上已有椒丝，已经好好食。
蒜香牛油鸡翼 $16/2件：正价24蚊，不过点左主菜(粉面)就可以优惠价加小食，鸡翼牛油味都几突出，鸡翼皮虽然比较厚身，但都几脆。
冰镇蜜糖冻蕃茄 $35：整个蕃茄去皮冰镇，面头淋上柚子蜜，以蜜糖伴碟。以刀叉轻轻一切，蕃茄里面嘅水份流出，入口新鲜，完全唔酸，加上柚子蜜嘅味道清新。其实呢个都有啲似四川嘅冻蕃茄，不过以蜜糖取代当中嘅白砂糖。钟意食蕃茄嘅朋友可以一试呢！而且天时暑热，食啲冰凉嘅野，降温不少。
法式芝心虾多士 $38/4件：多士面头平均分布芝麻，里面酿入虾胶，食落香口又脆卜卜，芝麻味突出，虾胶都算几弹牙，加埋芝士夹心，啖啖滋味，如果跟餐都系28蚊，几抵食呢。
越式虾饼 $38/4只：越式虾饼有别于泰式虾饼，个人认为味道都系以后者较为优胜。越式虾饼薄身，口感上点都会争啲，食落都几干身，蒜蓉调味唔系好突出，而呢度嘅虾饼系一早整好，冇新鲜热辣感觉。
越式素春卷 $20：春卷皮较腍身，唔够酥脆香口，如果可以有埋香叶提供包住生菜食用，感觉会较完整。
手撕鸡檬纸卷 $38：檬纸卷共有三款，其中两款非常新颖，分别系海胆手撕鸡檬纸卷($79)、三文鱼手撕鸡檬纸卷($55)，不过我地都系传统啲，都系拣番原味，哈哈。手撕鸡堆满檬纸卷，加有黑椒都几惹味，檬纸卷唔会太厚太硬，沾上少少檬汁酸酸地开胃。
利宾纳青柠梳打 $18：正价28蚊，原枝泰国象牌梳打水倒插，都几特别嘅。
双柠七喜 $20：即系青柠加柠檬，不用多说。
张贴
