影片
更多
2021-04-20
3772 浏览
台湾菜大家食得多。但台湾形式既车仔面大家又食过未?今次介绍既系铜锣湾系上年逆市开店，但生意完全无受影响，系上年3月开市，系首间海外分店，反而越做越旺既台湾菜灯笼卤味。可能因为开店个时，台湾咁岩封关，大家想去台湾去唔到，口痕想食正宗台湾野，就黎左呢间台湾过江龙。而旺角分店都系上年12月进驻朗豪坊，店内都系主打台式热食卤味，除左特别选用新既卤味食材好似猪嘴边肉、猪脷、生肠、肝连、鸭胗、麻吉烧等，都有全新台式小食，好似麻辣香卤猪耳朵、麻辣鸭血冬粉、高粱酒香卤鹅肝、金黄糖心卤鸭蛋等，而且仲有早餐menu，好似芝士猪扒蛋厚多士、爆馅芋泥肉松厚多士、花生酱火腿葱抓蛋饼等好有台式风味既早餐。灯笼卤味系台北师大夜市既一间台式卤味店，有22年历史，几年前就分左家，两兄弟分成红色灯笼同黄色灯笼，各有各做。呢间香港分店除左引入左台式卤味，亦都加左1D香港分店独有既野食，而香港店既员工有D有系其他著名台湾料理店既工作经验。有趣既系呢间灯笼卤味咁岩就系铜锣湾既登龙街，唔知系有心定无意。每次黎到餐厅座位都系KEEP起码8、9成满，排晒长龙，有时仲有排队排10-15分钟，不过人流算去得快。入到店舖餐厅装潢设计几有心
台湾菜大家食得多。但台湾形式既车仔面大家又食过未?
今次介绍既系铜锣湾系上年逆市开店，但生意完全无受影响，系上年3月开市，系首间海外分店，反而越做越旺既台湾菜灯笼卤味。可能因为开店个时，台湾咁岩封关，大家想去台湾去唔到，口痕想食正宗台湾野，就黎左呢间台湾过江龙。
而旺角分店都系上年12月进驻朗豪坊，店内都系主打台式热食卤味，除左特别选用新既卤味食材好似猪嘴边肉、猪脷、生肠、肝连、鸭胗、麻吉烧等，都有全新台式小食，好似麻辣香卤猪耳朵、麻辣鸭血冬粉、高粱酒香卤鹅肝、金黄糖心卤鸭蛋等，而且仲有早餐menu，好似芝士猪扒蛋厚多士、爆馅芋泥肉松厚多士、花生酱火腿葱抓蛋饼等好有台式风味既早餐。
灯笼卤味系台北师大夜市既一间台式卤味店，有22年历史，几年前就分左家，两兄弟分成红色灯笼同黄色灯笼，各有各做。呢间香港分店除左引入左台式卤味，亦都加左1D香港分店独有既野食，而香港店既员工有D有系其他著名台湾料理店既工作经验。有趣既系呢间灯笼卤味咁岩就系铜锣湾既登龙街，唔知系有心定无意。
每次黎到餐厅座位都系KEEP起码8、9成满，排晒长龙，有时仲有排队排10-15分钟，不过人流算去得快。
入到店舖餐厅装潢设计几有心思，充满台湾怀旧风，贴满好多怀旧台湾明星海报之余，仲有好多打卡位，打卡一流，充满台湾地道风味，木造家具，加上不断播以前热门既台湾歌，有D以为自己去左台湾。店舖唔细，楼上都有一层。
-
1️⃣ 车仔面
MENU可以睇到第一页系好似香港既车仔面咁，拣想食既𩠌同面底。店内有20几款配料可以拣，最吸引既系好台式既甜不辣、鸭血、米血糕，因为都系台湾直送，而鱼片头系香港限定既。
会有ABCD餐，帮你配好哂面同𩠌，D餐叫自由是个好东西，其实就系所有野自己拣。
因为我前后食过两、三次，所以就食过既面同𩠌逐种咁讲下。
-
卤水汁 💰0（👅: 8.5/10）
先讲汤底，台式卤味同港式或者潮式唔同，热食既卤味 ，而佢地有写到车仔面既秘制卤汤汤包，系台湾总店直送，有十几种材料，包括桂皮、花椒、甘草等十数种中药，再用慢火熬煮而成，卤水汁食落几香，顺喉回甘，带微微肉香，会食到小小药材味，不过味道比较重D咸D。
-
王子面 💰12（👅: 8/10）
王子面系一款台湾出产既即食面，历史悠久，系其中一个人气之选，MENU上都系推介既面条，食落唔似香港既出前一丁，口感有D似福面，比较偏身D腍身D，而且比较吸汤，所以同呢个卤水汁配合起上黎，食落D面就会比较重味D咸D。
-
冬粉 💰11（👅: 7.5/10）
冬粉姐系粉丝，系王子面之外既人气之选，都系MENU上推介既面条，冬粉食落软滑，入口爽滑，吸汤能力都高，所以食落都会重味有D咸食到最后。
-
猪耳 💰12（👅: 7/10）
自由是个好东西
110 浏览
3 赞好
0 留言
猪耳咬落爽脆，食落都入味，不过间中会见到有猪毛，唔够干净，不过我个人唔太钟意猪耳，佢未令到我有惊喜或者令到我钟意食呢度既猪耳。
-
百页豆腐 💰11（👅: 8/10）
百页豆腐食落唔算弹牙，咬落唔够绵密，有D似腍身既豆干，不过都几入味因为几索汤下。
-
大豆皮 💰10（👅: 8/10）
自由是个好东西
71 浏览
4 赞好
0 留言
大豆皮食落豆香，而且系索汤汁不二之选，将卤水汁精华入哂味。
-
白萝卜 💰9（👅: 8.5/10）
自由是个好东西
124 浏览
2 赞好
0 留言
白萝卜系我食车仔面一定会叫既𩠌，食落非常软稔，有小小入口即溶，吸汤既白萝卜吸收哂D卤汁，所以几入味。
-
甜不辣 💰11（👅: 8/10） 甜不辣系鱼浆制品，系好台式既小食，口感有小小似韩国年糕，带点软糯，食落有弹劲，唔会煮得太过软烂，保留到小小鱼肉既香味，几索卤水汁，食落入味带小小咸。
-
弹牙贡丸 💰10（👅: 8/10）
贡丸食落弹牙爽快，猪肉味几重，而且有香菇味，食得出真材实料，算系有水准既贡丸。
-
鸭血 💰10（👅: 7.5/10）
鸭血味道就正常，薄切，食落软中带爽，无醒味，唔会一夹就散，所以可以睇得出佢无沟太多鸡血或者猪血。
-
2️⃣ 苹果盐酥鸡 💰38（👅: 7.5/10）
苹果盐酥鸡
$38
349 浏览
3 赞好
0 留言
呢个苹果盐酥鸡台湾本店无，系香港分店自己另外入货，系现成既盐酥鸡。
以呢个价钱食到呢种半制成既盐酥鸡，质数就较一般，不过食落粉偏厚同偏硬，而鸡肉食落太干，唔够JUICY，上面调味既椒盐味粉有D多，食落几咸下，食落有D似KFC既炸鸡粒，好既系鸡肉份量唔少，而因为有苹果既小小平衡，食落抵销返小小油腻感。
盐酥鸡个人觉得用薯粉做面衣个种会比较好食，而九层塔炸左会比生食更好，生九层塔虽然香味比较重，但叶既纤维比较难咬断，同盐酥鸡既口感有D唔夹。
-
3️⃣ Shake Shake 海苔盐酥鸡 💰42（👅: 7.5/10）
做法系盐酥鸡再分开上海苔粉同一个纸袋比你自己Shake Shake 捞匀佢，味道会比苹果更重味喊啲，而且会无左苹果消一消油腻感。
-
4️⃣ 香脆地瓜条 💰48（👅: 8/10）
香脆地瓜条
$48
129 浏览
1 赞好
0 留言
份量都唔少，系番薯条厚切，比较粗身好似手指咁粗，炸浆算薄脆，食落脆卜卜，外脆内软，而且带有地瓜既甜，加上淮盐味道会更突出，味道更有层次。
-
5️⃣ 黑糖珍珠奶茶 💰23+3（👅: 6.5/10）
黑糖珍珠奶茶入面既珍珠食落好有黑糖味，软硬都适中，但败笔系茶味同奶味都一般，比较淡味，所以只会想食完D珍珠唔饮个茶，我会PREFER个茶好饮D珍珠无咁好多D。
-
6️⃣ 冬瓜仙草柠檬 💰23+3（👅: 7.5/10）
饮落唔甜，冬瓜带自然既甜味，加上柠檬既酸几开胃，比起珍珠奶茶正常好多。
-
7️⃣ 冷泡桂花乌龙 💰18（👅: 8/10）
冷泡桂花乌龙
$18
111 浏览
1 赞好
0 留言
桂花乌笼虽然系茶包，但饮落茶味足够，闻到好香桂花味，清甜顺口，唔涩回甘，消济一流，系我钟意饮既乌龙，如果有得买走茶包都想买。
-
8️⃣ 冷泡四季春茶 💰18（👅: 8/10）
春茶饮落薄透清香，茶香几重而且持久，唔苦唔涩，入口回甘，夏天饮特别清新冰凉，解渴之余仲好顺口。
-
🌟总括黎讲，今日呢间小店，主打台式卤味，
系车仔面不过换左台湾既𩠌同埋面，面有得食台湾特有既王子面同冬粉，系几特别几有新鲜感，卤味水准几好，如果真系钟意卤味既可以一试，而卤味以外既野食，部份就比较一般，有食过其他台湾菜餐厅有更好既水准。
整体黎讲，车仔面质数未到超好食好有惊喜(同区一条街既面尊车仔面水准更高)，但水准系及格以上，算系好食，如果想食台湾野或者车仔面口痕个时，系一个唔错既选择。
如果2个人黎食想食平D试多D野，又无话有咩𩠌唔食，就可以试下佢地既二人抗疫套餐。会有好多𩠌既一碗面、卤肉饭、苹果盐酥鸡、两杯饮品。
-
👅味道: 8.5/10
🍴环境: 7.5/10
💰消费: $85-100人均 (服务费:NA)
张贴
