樂湯雞麵館 (登龍街) (已結業)

大家都知道铜锣湾嘅登龙街有好多嘢食，我同朋友行完街嚟咗呢间鸡汤小店。因为天气咁热，食个汤面会开胃啲，见花胶鸡好似好足料咁，就试下佢。砂锅花胶鸡汤翅米线加小棠菜仲可以加$10转鸡髀砂锅上，够哂热辣辣，上台嘅时候仲系滚嘅。鸡汤底够哂浓咪又够胶质，花胶煮得够软熟，推荐大家一定要转鸡髀，加$10 够哂抵食，因为鸡髀够嫩滑，简直系锦上添花。鸡汤翅真系无得输。XO酱招牌双宝捞刀削面招牌捞面嘅酱汁咸甜适中，捞面保持再适当嘅油份，条条分明令到口感更加出色，双宝嘅两种饺子亦都好好味，皮薄馅靓。Wasabi海蜇手撕鸡呢个虽然唔系啲咩新菜式，但胜在水准够高，wasabi 量控制得啱啱好，鸡丝都高嫩，爽口嘅配菜增加口感。炸鱼皮食汤面都一定系配返一碟靓嘅炸鱼皮。凉拌莴笋莴笋片够爽脆，配搭醋嘅清爽，夏天食几啱口胃。豆浆独立杯装嘅豆浆，够哂干净卫生。豆味够浓，同时唔会太甜。