泰國大城船麵

营业中

休息中

2022-09-08女朋友推介👩🏻‍🌾同朋友铜锣湾去食泰国野🇹🇭去咗泰国大城船面🛶女友话见到芒果糯米糍就冲咗入去🥭平日晚市时段，唔算太够人客🤓店员安排坐四人卡位，都几阔落😜女友点了，晚市套餐，298蚊套餐，因女友有选择困难症，所以直接点咗个套餐，仲要有埋佢最想食嘅芒果糯米糍🥭套餐炸虾饼，有八嚿虾饼，表面炸得非常香脆，仲热辣辣，虾胶就好弹牙，配搭埋甜酸辣酱好开胃，伴菜仲有辣椒香蒜，加埋更加好食😚套餐海南鸡（半只），虽然得半只，份量都几多，香料味唔算重，上枱时仲系暖笠笠，鸡都好滑有鸡味，仲有两兜泰式酱汁，唔洗争一人一兜，点埋酱汁食都唔错，有埋油饭就无得弹了😍冬荫功海鲜炒饭，炒饭份量都几多。饭粒炒得够干身，有镬气，冬阴功味好辣吓，有少量海鲜，惊你唔够辣，整多兜泰式辣酱，成碟饭净系食到辣，钟意辣嘅朋友啱哂🌶芒果白糯米饭，女友专程入嚟食糯米饭，清爽椰奶香，糯米有班兰叶的香气，椰汁香浓，糯米饭烟烟靭靭，芒果又够甜，糯米饭捞埋椰汁同芒果好甜，女友表示好满足😋泰式咸柠薄荷，28蚊杯，咸柠润喉，加埋薄荷就好冻爽，夏天饮一流🌿椰青，38蚊个，清甜可口嘅椰青， 可以解辣🥰整体环境坐得几舒服，几干净😙服务都正