津津食店 (已結業)

听说发哥喜欢星期日喺大屿山行山后，会到此处食番茄蟹檬。民间特首嘅喜好㖞，梗系吸引到好多人慕名而来。我第一次嚟津津食店唔系星期六，所以食唔到蟹檬转战茄腩檬。番茄味浓，牛腩几松软，檬粉就比较碎。我几欣赏个汤底，无味精，最后会想饮埋个汤。一碗粉四十几蚊，无包嘢饮，要另叫。不过感受梅窝街坊融洽嘅气氛，都值得嘅！我第二次就选择了星期日去，因为希望试吓鼎鼎大名嘅番茄蟹檬。我满心观喜餐牌都唔睇就叫餐，然后等咗约十分钟，一碗蟹檬就热辣辣喺我面前。第一眼见到个蟹盖，系我想像中嘅画面。我再翻一翻碗中的粉，有几粒肉丸，有点芽菜，蟹呢？蟹呢？蟹呢？最后喺碗底发现有一旧蟹肉附带三只蟹脚，就系咁样。味道方面其实几好，汤底都很有蟹味，而𠮶一旧蟹肉，就普通啦，肉质也不算太新鲜。讲真，真有点失望。碗粉叫蟹檬，但蟹肉真系少之有少，我甚至觉得叫番茄肉丸檬都不为过。所以如果对蟹檬有太大希望，你是注定要失望，反而我觉得茄腩檬比较实际。