影片
更多
2021-08-09
1142 浏览
蛋挞源自英国既Custard Tart，系一种以蛋浆做成馅料既西式馅饼，加入本地元素，变成中西合璧、好有香港特色既蛋挞。蛋挞不嬲都系香港人下午茶嘅美食，因为一件热辣辣新鲜出炉既蛋挞，酥皮松脆，蛋浆滑溜，加上一杯热奶茶，就可以抵销港人半日嘅辛酸，但一件普通嘅蛋挞，点可以满足到嘴刁嘅香港人。而松香既酥皮同香脆既曲奇皮，更加一直都系一班蛋挞迷既世纪大战，各有所好。上次介绍咗长沙湾一间人气高企嘅酥皮蛋挞，今次介绍嘅系人气长龙老字号面包店出品既蛋挞，好多明星都系佢哋嘅熟客。豪华饼店系一间喺九龙城衙前围道同福佬村道交界既著名西饼面包店，由1970年代开业，开业四十几年，系九龙城区老字号，一讲蛋挞系人都知呢间小店，长期人气旺盛，高峰期每日可卖3000多个蛋挞。屹立接近半个世纪，大部分客人都系熟客，明星名人客唔小，周润发、蔡澜同苏施黄都系熟客。要数香港最据历史嘅面包店，呢间绝对系其中之一，身为香港人嘅你，有冇去过帮衬过？面包西饼品种非常之多，有多仲要系怀旧款式，好似有海绵蛋糕、花卷、三角朱古力，如果想重拾几十年前嘅味道，呢度就啱哂。依度嘅招牌系酥皮蛋挞，每次小量制作，烘好即卖，酥皮薄而酥脆、蛋浆又滑又
豪华饼店系一间喺九龙城衙前围道同福佬村道交界既著名西饼面包店，由1970年代开业，开业四十几年，系九龙城区老字号，一讲蛋挞系人都知呢间小店，长期人气旺盛，高峰期每日可卖3000多个蛋挞。屹立接近半个世纪，大部分客人都系熟客，明星名人客唔小，周润发、蔡澜同苏施黄都系熟客。要数香港最据历史嘅面包店，呢间绝对系其中之一，身为香港人嘅你，有冇去过帮衬过？
面包西饼品种非常之多，有多仲要系怀旧款式，好似有海绵蛋糕、花卷、三角朱古力，如果想重拾几十年前嘅味道，呢度就啱哂。依度嘅招牌系酥皮蛋挞，每次小量制作，烘好即卖，酥皮薄而酥脆、蛋浆又滑又多，抵食夹大件。除左酥皮，同时提供曲奇皮蛋挞、葡挞，人人一买就买1-2打。
老板兼糕饼师博有超过40年做饼经验，对做西饼、蛋挞有坚持，着重用料，用料多年不变，好似发哥必吃既合桃蛋糕，用上美国合桃，口感同比较平价既中国合桃完全不同，食落爽脆；而提子包用既提子系澳洲货，食落甜而不腻；仲有招牌蛋挞会用上澳洲面粉做，非常讲究。小店前舖后工场，大红招牌相当醒目。呢度除左出名酥皮蛋挞，最广为人知既就系发哥系呢度既常客，老板娘话发哥系饼舖开业既第二年，即1979年已经开始黎，帮衬左足足40年，非常长情，除非去外地拍戏，如果唔系一星期黎一至两次，通常都系朝早八、九时，呢家仲会经常出现。
当日系星期六晏昼去，大概二点半到，虽然未到人流如鲫，但每隔两分钟，就会见到有人行入去买面包或者蛋挞。
店舖系传统旧式老饼店，饼店突出，因为佢好抢眼既红砖墙身、高挂既大红招牌，1977年开业至今都无改变过。店面细，基本上只系可以比一个人入去落单玻璃柜入边系几十款唔同款式既面包蛋糕，一眼睇晒，好似瑞士卷、忌廉蛋糕、提子蛋糕、合桃蛋糕、班兰卷、朱古力、曲奇、蝴蝶酥、雀巢蛋糕、合桃酥、豆沙酥、花卷、花生等，店内仲有啲小蛋糕、曲奇等。
店面既上方贴有名星食家系报纸、期刊推介豪华饼家既文章，好似有蔡澜、苏施黄等，传媒包括有英文南华早报、苹果日报等。 店面积虽然不过100平方呎，但厨房有12位师傅同时工作，麻雀虽小五藏俱全。
酥皮蛋挞
$9
47 浏览
1 赞好
0 留言
-
1️⃣ 酥皮蛋挞 💰9（👅: 9/10）
酥皮蛋挞
$9
36 浏览
1 赞好
0 留言
一个好食既酥皮蛋挞，我觉得首先皮要酥香松化，厚度要适中，酥皮与蛋浆的比例要恰到好处，食起黎先有层次感，因为酥皮太厚无层次，太薄又好易变实，承受唔到蛋浆重量，未系焗炉里发起就已经比蛋浆压扁。而蛋浆口感要滑，唔可以离边，如果唔系有虚位既蛋浆食落会韧。蛋浆比例要适中，入口先够滑同带蛋香，如果蛋分量太少，蛋浆会过稀唔够蛋香。蛋挞味道又唔可以太甜，如果唔系会抢左酥皮既油香。
酥皮蛋挞大细差唔多掌心咁大，睇落脤卜卜，个个都系色泽金黄色，酥皮比一般面包舖厚好多，不过比起金园好似无咁多层，闻落好香牛油香味，罗上手足秤重料，价钱上来讲$9一个，算系中高价，比喺金园茶餐厅贵一蚊。
一个蛋挞点好食法，冻都唔会系好食，而呢度嘅蛋挞会keep住出炉，而且买嘅人唔小，所以可以买到新鲜出炉嘅蛋挞，而且蛋挞会放喺焗盘上，保持温度，就算唔系热辣辣都一定系暖身，如果唔系即场食，一定要返屋企翻焗，因为冻咗嘅蛋挞，酥皮一定系腍身。
蛋挞皮好脆，酥皮睇落有好多层，入口松化，连个底都松化，层次丰富，有啲人觉得佢好油，我自己就觉得唔油腻，但会食到牛油香，要挑剔嘅系酥皮厚薄程度唔算平均，而且算焗得偏㶶。
中间蛋心部份金黄色，闻落有蛋香，食落甜度岩岩好，带小小蛋香，入口轻巧滑溜，蛋够晒滑，因为店主不惜工本用贵价既法国忌廉，但唔会太薄身，同时间咬落有韧性，唔会入口即散，质地一流，食落唔油腻。成个蛋浆有厚度，同酥皮嘅比例恰如其分。
-
2️⃣ 曲奇皮蛋挞 💰9（👅: 8.5/10）
曲奇皮蛋挞
$9
60 浏览
1 赞好
0 留言
曲奇皮食落牛油味充足，咬落酥香脆口，
蛋浆丰盈，唔会有多余既气泡，蛋浆份量控制得啱啱好，而且烘焗时间都拿捏准确，蛋味食落香浓，但唔会过甜，即使系曲奇皮蛋挞都发挥得唔错。
-
3️⃣⃣ 花卷 💰15（👅: 8.5/10）
花卷
$15
44 浏览
1 赞好
0 留言
花卷罗上手几重同大旧，系一款用唔同既材料整成既怀旧小食，以牛油蛋糕质感为主，集唔同既蛋糕组成，好似朱古力蛋糕、斑斓蛋糕、牛油蛋糕、咖啡蛋糕、合桃蛋糕、提子蛋糕同忌廉。
蛋糕咬落质感湿润，合桃令口感更加丰富，食落去牛油味比较突出，但同时其他蛋糕既味都食得出，系几特别，而忌廉系咸忌廉，所以食落系咸咸甜甜，忌廉会比较油腻，胜在份量唔算多，不过一件花卷唔细，一个人食哂会有小小济。
-
🌟九龙城一直都唔系大家常去既地方，因为交通唔方便，呢度无大型商场，以前要特登过黎买蛋挞确实要好有恒心，不过而家屯马线开通左，去九龙城唔再嘅梦想，呢家既九龙城除左系泰国菜、越南菜林立既地区，仲开左唔小适合轻松一下既CAFE，唔再系一个旧区。
酥皮同曲奇皮蛋挞我同样钟意，如果你系蛋挞迷，但无黎过呢间40几年历史既老饼店，确实枉为蛋挞迷。值唔值得特登黎一试、甚至买一打蛋挞迷返去，就视乎你对蛋挞既热爱程度。
店主同佢老婆都已经踏入70、80岁，二人镇守饼店40几年，由后生做到老，仔女都已经长大成业，虽然已经白发苍苍，长年站立做饼令到双脚唔好，但佢地都坚持唔退休，为左保住豪华饼店既40几年金漆招牌。唔知几时可能无机会再食到呢间历史悠久既老饼店，如果你钟情于怀旧西饼，咁呢间可以令你重恰旧时既味道，如果你想跟随发哥既足迹，可以黎呢度一尝发哥最钟意食既蛋挞同合桃蛋糕、会买返去比发嫂既菠萝包同鸡尾包。
-
👅味道: 9/10
🍴环境: 6.5/10
💰消费: $33 (服务费: NA)
张贴
