善茶 (已結業)

同朋友行开附近，见到依间新野，我咁钟意饮台式奶茶，所以都想试下佢依度既港式奶茶😁朋友拣左「咖啡点子港式鸳鸯」港式奶茶一向都有自己独特既茶香，加埋港式咖啡既烘焙香味，同平时饮开既台湾奶茶好唔同，但一点都唔逊色。反而做到香港地道茶餐厅既独特性味道。而当中既咖啡点子具咖啡既香浓，口感烟靭，不俾台湾饮品专美。我咁钟意饮甜野紧系拣「港式奶茶红豆冰」几年前茶餐厅既创新出左奶茶红豆冰，如果你仍然停留系以为系茶餐厅先饮到咁就错勒～依间港式饮品店就出左依款港式奶茶红豆冰。佢个外观长好靓，具层次感，上面系奶茶啡，再黎红豆冰既奶白，最底系红豆。搅一搅，正呀！奶茶既香再加红豆既甜，好好味呀！双重味觉享受。再睇返佢个杯设计具港式地道茶餐厅特色，而且店舖的装修也具本地茶餐厅特色。饮得多台式奶茶，如果想试下新野，不妨黎依度饮下Fancy 又有实力既茶餐厅风味既饮品。