金加利冰室

营业中

休息中

经同事介绍，喺不起眼嘅油塘中心发现呢间餐厅，今日下午茶时间嚟到，即管睇吓有咩食啦！打开餐牌，发现有过百款组合嘅食品，对于有选择困难症嘅人嚟讲，真系要慎入! 但我睇完一轮餐牌，最后都系拣咗常餐，原因好简单，就系见到佢竟然可以法式拣西多士，喺其他茶餐厅未见过有呢个选择，而且仲可以拣福字面，所以二话不说就叫呢个餐试试先。今次选咗 1. 香煎猪扒福字面 2. 火腿煎蛋拼肠仔 3. 法式西多士 4. 热奶茶。先讲讲个面，真系好怀念嘅味道，而煎猪扒就系分开跟西多火腿肠仔煎蛋上，略嫌猪扒炸得过干，西多没有想像中咁美味，但都不过不失，常餐中有呢个选择，实属难得，其他食品都中规中矩，下次会再嚟试吓其他食物。