舊果香林豆腐花

营业中

休息中

话说早前有日突然间好想食红豆沙，但行嚟行去都揾唔到，到我发现呢间𠮶时已经食饱饱无位啦。当然心有不甘啦，过多几日就特登留肚食 🤣🤣🤣 哗一食食到果皮香味，然后起晒沙，莲子松化，个人觉得有点偏甜但可接受。如是者，我呢排经过个肚有位都买一碗两份食浅尝，有时放肆啲就一碗红豆沙一碗芝麻糊 🙈🙈🙈㖊日同朋友行山讲起，佢哋都有兴趣试，咁啱行完山话入大埔食饭，佢哋梗系要试埋啦，排紧队𠮶时 3 个朋友计算紧买几多碗返屋企，我就提醒，系我个人觉得好食，未必啱佢哋口味，跟住我提议佢哋买嚟即场试完先决定系咪外卖，结果 3 位女仕试咗一啖即刻加单外卖，堂食每人一碗，另外总共买多 6 碗外卖 🤭🤭🤭呢度嘅堂食即系企喺街边食 😆㖊晚我试白果腐竹豆腐花 👍👍👍，终于明白点解红豆沙会偏甜，因为有啲人点两沟，豆腐花无加糖要由红豆沙啲甜味搭返 🤔🤔性价比非常高嘅糖水店 ❤️❤️❤️