掌壽司 (已結業)

骆驼漆大厦我都几常去，主要系帮衬食东南亚菜及中餐但日本餐就冇帮衬过， 因为觉得日本菜一系就食得平d d ,如连锁店元x ，一系就食厨师发板的贵价菜， 中高价嘅食过几次都觉得不值， 所以今次都系因为朋友介绍才一试。去到发现都坐得都算几舒服，因为就算两个人都会畀四人座位，一边有酒柜， 同𠮶度的人倾过计， 原来啲酒都系熟客留。menu唔系好多页， 因为我迟到嘅关系， 朋友已经预点了吞拿鱼柚子醋沙律， 寿司特盛， 鸡泡鱼干食住先。沙律我食咗少少， 柚子醋感觉健康，充满日式嘅味道。鸡泡鱼干系我嘅最爱，价钱平又襟食， 香口，系要畀啲牙力。六件寿司我就食左赤虾同海胆， 虾好鲜甜弹牙， 海胆系我最爱，之后唔够喉再order咗原板海胆原板马粪海胆，带子刺身。 带子六件六十蚊，海胆原板168，有紫菜跟， 最重要的是食得出新鲜。之后竟然系先上寿喜烧， 和牛好大碟，去到打边炉嘅份量。 菜已经预先煮熟，所以餐厅的人建议我哋先食菜再食牛。 和牛雪花分布平均唔会过肥， 炉主要是保持热度， 渌牛肉都唔会好快熟近乎慢煮， 最适合女士们倾计慢慢食海虾天妇罗系最后上的菜式，最少等了 半个钟底少量杂菜天妇罗例如炸南瓜，番薯。