德昌里

营业中

休息中

唔显眼嘅小巷，静静嘅环境，夜晚时微光嘅门口，却遇上浓浓嘅人情味；有美食、靓啡、甜品！看似简单嘅menu, 但味道食得出系有要求嘅水准～住咗系油麻地3年几，终于有一个地方可以比我享受一下慢食文化，唔系只有2𩠌饭嘅选择！健谈嘅老板娘（我觉得系～），大家可以互相交换生活嘅故事，遇上一间可以交流、倾偈嘅小店，可以放底电话，享受食一餐饭嘅时间，其实，有时生活就系要呢种安然自在，交心有时；吃饱有时。最钟意嘅系「全日早餐」，比起我系西环返工偶然先敢去Cafe豪食嘅All day breakfast, 真系半价嘅价钱但系西环嘅级数。最惊喜系「咖哩汁芝士汉堡煎蛋饭」，连白饭都要用咖哩处理过，但又唔会油淋淋，对于我呢啲肠道敏感人士，终于可以安心食咖哩！跟餐拣嘅冻美式咖啡都好有仪式感，第一次用红酒杯饮咖啡，又几有趣～系忍唔住要电话饮先，先影为敬！之后饮过「咖啡通宁」，搅完之后嘅厚厚咖啡泡，入口有啲似饮紧黑麦啤咁嘅feel，tonic 有少少酸味，但又未去到柠啡咁刺激，呢杯系放假mode之选。