漁道樂 (已結業)

朋友生日唔知去边度食至好，公司附近开咗间主打日本海鲜浜烧，日本野系女仔嘅至爱当然要试吓啦。入到铺头，眼前一亮，大渔旗，日本风铃，大酒桶，布置好有日本居酒屋嘅style，即刻俾个like佢，我哋几个女仔安排坐系榻榻米位置，位置宽敞舒适。至于嘢食方面，当然唔少得刺身，我们点了渔七款，七款刺身，海胆鲜味，吞拿鱼油脂分布平均，入口即溶，鱼香四溢，油甘鱼新鲜有弹性，三文鱼带子鲜味无穷，性价比高。餐厅有个活鱼鱼鱼缸，食材即叫即整，我们点了一客象拔蚌刺身，肉质爽脆，极度鲜甜。还有店长推介牡蛎和牛寿司，呢款寿司系冇饭架，啱晒我哋keep fit 既女仔，上层和牛少焦香夹上鲜嫩嘅蚝再配淡淡酱油香味，出奇地夹，令人回味！还有主打嘅浜烧海鲜长脚蟹脚，鲍鱼，蚬店员细心逐一为海鲜配以不同酱汁把海鲜烧熟，时间配合得恰到好处，值得一赞。食材新鲜，环境舒服，开开心心，嘻嘻哈哈，笑足一晚！