西偲名屋 (已結業)

今日入左西贡chill下，经过见到呢间蓝白色Cafe，门口放左几张露营椅，望落几特别，而且仲可以带狗仔入去，所以就去试下。👅晒冷下午茶 $368呢个tea set个名又几盏鬼，总共有3层，样样都有，而且够晒大份。最底层系咸点，包括有蛋沙律三文治，明太子酿鸡翼，香草肠，汉堡扒。明太子酿鸡翼最有惊喜，微微辣而且一大啖咬入口好Juicy好惹味。中间果层有2块bagel，面包面脆脆地，仲有吞拿鱼沙律酱同cream cheese夹住一齐食，仲有两大块烟三文鱼同埋烟肉。而最高果层系自选既蛋糕两件，而今次我就拣左柠檬挞同埋草莓荔枝挞，柠檬挞唔会好甜，食到阵阵柠檬既清新香味，而草莓荔枝挞既cream好软绵绵，草莓味比较突出。饮品方面，今次拣左朱古力咖啡同埋什不冷水果茶，朱古力咖啡正正常常，拉花都好靓好岩打卡，而什不冷水果茶就真系款款水果都有d咁样，饮落微甜都好fresh，仲有水果粒食下。