影片
更多
2010-07-08
117 浏览
上星期师傅唔知发起咩神经, 竟然想喺放饭时去食碗鱼蛋粉, 何解食碗鱼蛋粉又会发神经呢? 其实系师傅心知呢区冇边几间嘅鱼蛋粉系好味, 加上一碗鱼蛋粉份量太少, 食一碗师傅又点够饱, 但食多碗又好似唔抵㖞, 你话仲唔系发神经咩?直到出发前师傅内心仍然十分挣扎, 最后还是决定去发下神经, 师傅记得呢度有间粉面食店, 加上又未黎过, 就决定入去试一试! 入到去食店, 店内都几细, 伙计见师傅一个人就拿拿声叫师傅撘枱, 惊死师傅乱咁坐; 坐底后第一时间望下个餐牌, 其实望黎都多余, 最想系望下几多钱一碗啫!师傅是次拣左鱼蛋面, 落完单就当然要等下啦; 于是师傅四围望, 靓女就望唔到喇, 但就望到好大个牌写住 “即日现场手唧鱼蛋保证100/100纯鲜肉鱼制造, 绝无添加, 日日新鲜”, 师傅心谂今次冇死喇, 再望下个枱上, 一碗热腾腾嘅鱼蛋面就喺师傅面前, 于是第一时间试下个汤底, 汤底几清冇碱水味, 但未道颇咸, 汤底唔多吸引; 至于面身亦算爽口, 爽口得黎唔够弹牙, 胜在冇碱水味, 整体算合格, 但师傅始终觉得全蛋面好味好多; 而鱼蛋有四小粒, 炸鱼片亦有三片, 鱼蛋形状不规则, 大小亦不一,
直到出发前师傅内心仍然十分挣扎, 最后还是决定去发下神经, 师傅记得呢度有间粉面食店, 加上又未黎过, 就决定入去试一试! 入到去食店, 店内都几细, 伙计见师傅一个人就拿拿声叫师傅撘枱, 惊死师傅乱咁坐; 坐底后第一时间望下个餐牌, 其实望黎都多余, 最想系望下几多钱一碗啫!
师傅是次拣左鱼蛋面, 落完单就当然要等下啦; 于是师傅四围望, 靓女就望唔到喇, 但就望到好大个牌写住 “即日现场手唧鱼蛋保证100/100纯鲜肉鱼制造, 绝无添加, 日日新鲜”, 师傅心谂今次冇死喇, 再望下个枱上, 一碗热腾腾嘅鱼蛋面就喺师傅面前, 于是第一时间试下个汤底, 汤底几清冇碱水味, 但未道颇咸, 汤底唔多吸引; 至于面身亦算爽口, 爽口得黎唔够弹牙, 胜在冇碱水味, 整体算合格, 但师傅始终觉得全蛋面好味好多; 而鱼蛋有四小粒, 炸鱼片亦有三片, 鱼蛋形状不规则, 大小亦不一, 似乎真系用手唧㖞, 鱼蛋入口爽口弹牙, 口感不错, 可惜鱼蛋有碎骨, 扣少少分啦; 而炸鱼片亦甚爽口, 可以啦!
总括黎讲食物水准合格, 但未算出色, 环境地方清洁, 服务就普通, 价钱系廿蚊一碗鱼蛋面, 冇野饮冇油菜, 绝对唔算抵食; 虽然鱼蛋面嘅份量相比起麦奀都算大碗好多, 但师傅成碗鱼蛋面食晒而唔饱仍属意料中事, 所以是日师傅绝对系发神经; 相信师傅再黎机会不, 除非又颠多次啦, 是次笑脸未能一比!
张贴
