新巴黎越南餐廳 (已結業)

谂起都激气!!有一日下午茶时段去,三个人嗌左四个餐同几款小食,味道都ok嘅,但系d阿姐嘅态度真系超差!!话说我嗌左一杯椰汁红豆冰(跟餐加五元),拎嚟嘅时候赫然发现成杯野有好多白色嘅浮游物体,我相信系因为佢地整嘅时冇摇匀d椰浆,所以一旧旧(阿姐都承应有此过失!!)正常梗系叫佢换过杯啦!点知个阿姐话咁系正常,大佬呀!我第一次饮椰汁红豆冰咩!我梗系觉得有问题先揾佢理论啦!佢仲死撑,但佢口快快讲咗句:『可能个师傅冇摇日罐椰浆!』我就话:『咁即系你地错啦!』佢话:『系,当我地错啦!』佢承认咗有错,但点都唔肯换过杯俾我!咁我谂住一人让一步啦!我唔驶佢地换过杯俾我,剩系扣番𠮶五元就算,佢地又唔肯!最后我都俾足钱先走!五蚊可以睇到呢间食店恐怖真实嘅一面,咪当买个教训,以后都唔再去啰(本来我对呢间店嘅印象都ok)佢地宁愿要五元,但系冇左个会再嚟帮衬嘅客!系佢地自己拣嘅!d食物有几平都冇用啦!俾d阿姐系咁赶客!真系俾钱仲要受气呀!!