呼吸咖啡茶館 (已結業)

好朋友生日，谂住叫个蛋糕庆祝一下，点知蛋糕一黎到，我地就见到有霉菌响蛋糕上面。叫个侍应过嚟，佢竟然话系焗蛋糕时上面果片金黄色嘅效果，大佬你系咪当我第一次食蛋糕？！摆到明就系发霉，我叫佢睇真啲，佢就叫咗个阿姨出嚟，个阿姨话蛋糕系前日焗嘅边有咁快发霉，一副不屑嘅眼神，话系焗炉焗蛋糕时既效果。过左阵个侍应走黎，话佢cut左个蛋糕，同一个饼上面都系有呢个「效果」，所以唔换比我地。一句唔好意思都冇，同埋冇认过错。其实我唔系要佢赔偿d咩，只不过作为一个食客，食物发左霉，餐厅简单认左去咪得，我本身都几钟意呢间cafe,黎过几次，今次对于食物质素同埋态度都好失望。我唔知呢篇文会唔会被openrice post出黎，如果唔post, 咁openrice其实都好唔老实。