沙嗲王 (已結業)

朋友离港多年指明要黎先会黎。服务:依旧系按钮叫人，好。 好过依家好多餐厅，举左手劲耐都扮睇你唔到。食物:豉椒炒蚬。冇沙够获气，份量比餐牌所展示大好多。成晚最惊喜呢个。芝士焗年糕。韩式条状年糕，但个芯唔熟透。成碟都系芝士粉味。系芝士粉呀！唔系芝士呀！味道单一冇层次，食左一啖冇再食。避风塘炸豆腐。豆腐外脆内嫩，炸料够香，但略微太㶶，但捞饭仍然不错。白咖哩炸鱼柳饭。白咖哩够香够滑，可加饭底捞晒啲汁。鱼柳炸皮太硬太厚。