Thai Deer Factory (The Wave)

营业中

休息中

观塘The Wave餐厅临立，但挤拥程度同骆驼漆争好远，餐厅价位高啲，但环境舒适好多，今次食呢间泰式餐厅布置以露营为主题，就算未有在帐篷内用餐，影相做背景都几IG-able。二人餐 $498① 脆脆黄金虾饼•黑松露酱② 沙嗲鸡肉、猪肉③ 软壳蟹•蟹肉白咖哩意粉④ 烟熏西班牙黑毛猪鞍⑤ 椰子奶冻•椰子雪糕食物上得几快，平时我都惯左相机食先，影完一碟另一碟又上，影下影下影到上齐晒主菜…到我食既时候，最先上的虾饼依然够热，外脆内弹牙，平时点开泰式辣酱，呢次点松露酱好香，又几夹。两串沙爹点沙爹酱都好味，鸡肉几嫰。炸软壳蟹香脆，意粉唔会太多汁但都够Creamy，白咖喱够香浓，正！仲有洋葱，小蕃茄，蟹肉等，好食！打开木盒仲有烟飘出黎，猪鞍几厚身，但切开同入口都感受到唔系又干又柴果种，不过个烧汁我就麻麻地，点个串烧沙爹汁仲开心。雪糕底下仲有个窝夫杯，椰子味好清新，奶冻够冻够滑。饮品本身包茶啡或啤酒，或者半价配特饮。⑥ 斑兰泰式奶茶 $21 好似一座绿色富士山，淡淡的斑兰味几特别，仲比平时的泰式奶无咁甜。⑦ 荔枝嘉年华花茶 $24 未饮都闻到荔枝茶香，我朋友话解腻而且中和泰菜的重口味，好养生。