沙嗲王 (金馬倫道) (已結業)

我谂我都有成八年冇去过沙嗲王，今日约咗4:30做facial，见仲有二十分钟先够钟，所以就去左沙嗲王食个”快餐”。见到有个下午茶Menu，咁就望下有冇啱食嘅嘢，白咖喱猪扒饭系我以前好钟意食嘅一个饭，咁啱下午茶竟然有，太好了！下午茶餐仲可以拣份小食，所以我就叫咗一个牛油鸡翼。几分钟白咖喱猪扒饭已经送上，白咖喱仍然保持水准，我系将所有嘅白咖喱汁完完全全咁食晒，一滴都冇剩，至于猪扒，第一啖食落去以为自己食紧虾饼，因为佢好似虾饼咁少少爽口而且薄薄地，猪扒嘅味唔太强烈，即系猪扒冇猪扒味🤣。至于牛油鸡翼，个炸粉比较厚，蒜蓉味好重但系冇乜牛油味，普普通通下次唔会再叫啰。话说我竟然真系可以喺20分钟内食完哩一个下午茶，效率几高！