Pheromone Dessert (已結業)

唔系朋友带我黎，都唔知旺角白布街呢头开左咁多靓餐厅，当中唔少都系甜品店，间间都好吸引，选择困难症发作，唔知拣乜好之际，英明既朋友就拣左呢间唔识读既Pheromone Dessert (唔识读应该高级D，【误】)。 窗明几净，装修有少少法国风情，女仔一定钟意。 布朗尼棉花堡 ($68) 呢个造型够杀食！面头系劲抢眼既爆炸糖 + 棉花糖，好有童年回忆呀！揭开个顶，入面系滑溜云呢拿雪糕，另加左朱古力脆粒粒、杏仁片，够香口，当然仲有另一个主角brownie，朱古力味浓，大满足！ 抹茶丸子果冻 ($58) 系抹茶雪糕加上甜甜既红豆同清淡既糯米丸子，好有日本风情。 抹茶窝心一刻 ($118) 呢个最大堆头，有齐窝夫、心太软、雪糕、蛋卷！其中以心太软既抹茶味最甜最出众，用刀一切开，入面既抹茶浆即刻爆出黎，味道好浓郁；底层既waffle抹茶味一样突出，不过今次就苦涩味较重，刚好中和番雪糕同心太软既甜腻。 一次过满足到咁多个抹茶愿望，抹茶控必试。