白沙樂都餐廳

营业中

休息中

同左一个少入元朗嘅市区人行下元朗，揾下啲特色餐厅就见到白沙村开左间巴士主题嘅茶餐厅，好似几得意咁就入黎睇下，search google map无教有咩车撘…见行入去都系三十分钟左右就拣左行，哈哈，一条直路咋唔难揾，同埋我地发觉沿途系有一架39号小巴嘅。餐厅环境几靓㖞，木屋周围放左唔少灯笼同桔树，好有新年气氛。油左白沙村嘅巴士系可以比人入去打卡㗎，而餐厅嘅櫈全部都系用巴士櫈，真系几特别。我地拣左间房仔坐，哈哈，有关爱座同安全带添呀。先来杯红豆冰同奶茶红豆冰，红豆煮得刚好㖞，淋淋地又唔太烂，甜度啱口味，最正系用碎冰，唔使一边食豆一边掉啲冰走。再黎系呢度名物咖吔西多士，用上三片方面再切成小块，上枱时好香呀，仲会震下震下好似梳乎厘班㦸咁。咬落软绵绵有蛋香，多牛油又多炼奶好正，咖吔都涂得唔少，好味好味。另外见好多人叫菠萝油又叫左个，菠萝包暖笠笠，牛油冰冻，咁样冰火食系至正㗎。最后就系焗咖哩猪扒饭，咖哩几香，微辣，猪扒软腍，饭系粒粒米唔烂，多汁几正。餐厅几有特色啱晒打卡，食物有水准又唔贵，值得一试。