白熊喫茶店 (已結業)

今日收工要去网络商搅文件！顺便食晚餐，呢间日式餐厅唔多人，和式浅木家私，阔落好坐，我可以一个人坐到四人位，门口仲有小卖部卖雪榚小食！食物款式唔算多，以意粉咖哩为主，其他都系甜品！店员勤快，落单收碟都好爽，我话想食完咖哩饭再决定叫唔叫甜品，佢就留下餐牌比我慢慢睇！人气白熊豚肉球咖哩奄列饭（$80）：卖相可爱，肉丸好大粒，入面有肉汁，捞埋咖哩汁食好味！咖哩汁杰又香，唔会辣，米饭软熟，有芝士加鸡蛋，味道好夹，大家都唔会抢到大家风头，但食落会比较腻，最后我都食唔晒，平时日式咖哩会配腌菜，呢度又无比！所以无爽口咸香嘢解腻！感觉唔圆满！食咗已经好饱，唔可以即刻食甜品了！店员有礼，当我在门口时，见大大块板写住情人节套餐，我怕今日只做套餐，问下小卖部嘅男店员，佢澄清有散叫食物！我先至入去！希望佢嘅咖哩可以配埋爽食！