影片
更多
2009-09-29
11 浏览
早几日师傅同车匙姐姐一齐去守礼拜, 守完之后再一同食饭, 起初大家都系毫无头绪,唔知食咩好, 最后去左旺角, 师傅谂下谂下不如坐好少少又食好少少啦, 于是又再拣左呢间食店! 师傅对呢间食店一向都几有好感, 加上颇几钟意呢度个环境, 同埋都坐得几舒服, 所以黎呢度唔会有太大嘅内心挣扎!入到去坐底, 睇下有咩好食啦, 坦白讲呢度食物嘅选择并唔算多, 如果黎多几次就会觉得食黎食去都系𠮶几味, 变化唔大; 但如果系当饮杯野再加d小食呢, 咁样嘅配搭会比较好; 由于师傅同车匙姐姐都未食饭, 所以都系照柯打野食先, 最后取得一致共识后, 就落单柯打一份精选热海鲜盘同埋一份黑青口配法包, 实行黎个白肉海鲜餐!既然食海鲜, 师傅亦毫不犹豫建议开番一枝白酒黎点缀下, 素来师傅对白酒都冇咩研究, 于是等车匙姐姐揸旗啦! 白酒系拣左一枝澳洲地区, 当车匙姐姐试完酒后就同师傅讲‘拣错左’, 师傅O咀都黎唔切, 但都冇迎办法架, 唯有照饮; 师傅饮左一啖觉得枝白酒好彩都够冻, 而果味唔算香, 入口都不错, 未至于超酸或劲涩, 所以都唔系话咁难饮, 但师傅就系唔知点样叫好饮? 饮左两啖后, 热海鲜盘同黑青口配法包
入到去坐底, 睇下有咩好食啦, 坦白讲呢度食物嘅选择并唔算多, 如果黎多几次就会觉得食黎食去都系𠮶几味, 变化唔大; 但如果系当饮杯野再加d小食呢, 咁样嘅配搭会比较好; 由于师傅同车匙姐姐都未食饭, 所以都系照柯打野食先, 最后取得一致共识后, 就落单柯打一份精选热海鲜盘同埋一份黑青口配法包, 实行黎个白肉海鲜餐!
既然食海鲜, 师傅亦毫不犹豫建议开番一枝白酒黎点缀下, 素来师傅对白酒都冇咩研究, 于是等车匙姐姐揸旗啦! 白酒系拣左一枝澳洲地区, 当车匙姐姐试完酒后就同师傅讲‘拣错左’, 师傅O咀都黎唔切, 但都冇迎办法架, 唯有照饮; 师傅饮左一啖觉得枝白酒好彩都够冻, 而果味唔算香, 入口都不错, 未至于超酸或劲涩, 所以都唔系话咁难饮, 但师傅就系唔知点样叫好饮? 饮左两啖后, 热海鲜盘同黑青口配法包亦同时登场!
好先讲下个热海鲜盘, 热海鲜盘有龙虾, 鱿鱼, 虾, 青口同埋带子(车匙姐姐话系蚬), 见到有龙虾师傅当然唔客气, 龙虾有一只, 开边后嘅龙虾卖相都几靓几吸引, 加上唔算系好细只, 肉身算几厚, 有期望; 不过有期望自然有失望, 入口后就发觉肉身唔算新鲜, 肉质几硬同几黏壳, 师傅觉得应该系雪得太耐, 未算好味; 再试下鱿鱼, 胆固醇甚高嘅鱿鱼就非常之出色, 鱿鱼爽口唔韧, 绝对唔会咬到牙都软, 加埋个汁底酸酸辣辣, 几惹味醒胃, 不错!
虾都有两只, 但师傅就冇食到, 皆因相信龙虽虾有咁嘅水准, 虾又可以好得去边? 车匙姐姐食完后嘅评价都系一般, 所以就算不吃亦冇损失; 青口个壳真系好大只, 但肉身其细, 加上唔算太靓, 有异味, 基本上好难食, 虽然唔系只只都系咁, 但每放一只入口如同一铺大细, 咁玩法真系搏唔过, 随时输多赢少, 止蚀离场稳阵d; 最后带子得一只, 车匙姐姐吃左之后净系同师傅讲左句 ‘好难食’, 咁师傅收到晒亦冇咩可以讲啦!
另一份黑青口配法包, 拣左白酒忌廉汁, 呢个白酒忌廉汁又煮得颇出色, 皆因个汁唔会太杰亦唔会太腻, 用法包黎点白酒忌廉汁系非常好味, 但唯一坏处系个汁冻左后会变得较酸, 相信系同白酒有关; 而法包烘到热辣辣, 外脆内软, 软硬适中, 连师傅一向唔钟意食面包亦忍唔住吃左三块, 配埋白酒忌廉汁堪称一绝; 而黑青口同海鲜盘𠮶d分唔大, 壳系异常之大, 但肉身其细, 有相为证架, 加上又系有异味, 大刹风景!
总括而言是次嘅食物质素好一般, 以海鲜嘅角度黎讲真系唔合格, 如果唔系白酒忌廉汁同法包挽回少少分数, 师傅相信应该全军尽墨; 环境仍然系咁舒服, 服务态度依然友善, 而价钱又唔算好平啦, 饮埋酒两个人差唔多三百五蚊; 鉴于青口嘅质素实在无法接受, 所以师傅亦向经理反映反映, 经理话换个比师傅, 但师傅觉得冇呢个需要, 皆因青口应该系成批都唔得; 而经理亦话会比番个折师傅, 最后埋单时发觉多左个九折, 寡胜于无啦! 如果冇折个价应该仲要高少少添呀! 师傅都会再黎, 但未必会食野, 呢个白肉海鲜餐真系比唔到笑脸, 但全晚最开心莫过于见到车仔输波!
张贴
