影片
更多
2018-10-25
38 浏览
Mini Club，之前食过尖沙咀店，印象深刻难忘，让人回味。今次同朋友试下旺角太平道嘅分店。餐厅邻近何文田，附近环境清幽。装潢仍旧很有格调、浪漫，让人忘却烦嚣的都市。上次没有饮酒，所以今次一心想畅饮一番，叫了一支智利的白葡萄酒(White Wine Carta Vieja Sauvigon Blanc)，好易入口，饮落有桃子及苹果香味，配合海鲜一起，爽呀！海鲜拼盘海鲜拼盘好大兜，睇落好正，好新鲜咁。龙虾份量够大，系对半切开上的，好方便食。入边仲有好多膏，食完好满足。蟹的肉质几实正，鲜甜；鲍鱼、翡翠螺、青口几爽口弹牙，整体来讲几满意，正！火焰西班牙黑毛猪鞍扒猪扒就食得多，但黑毛猪鞍扒就真系第一次食。上枱嘅时候侍应仲落左酒，变火焰猪扒，好玩。睇落去好厚切，好似肉眼扒咁厚，真材实料，对得住呢个价钱。初初都惊佢韧，点知食落又几嫩下，不会「嚡」。伴碟有蕃茄蓉、果蓉、海盐，每种味都不错，值得一试！霸王软壳蟹配法式红酱意粉软壳蟹系即炸，新鲜热辣，咬落好松脆，一d都唔油腻，好味。意粉软硬适中，配蕃茄蓉感觉几清新。黑松露野菌薄饼本来想叫海鲜味薄饼，但见佢餐牌写住人气之选系黑松露野菌薄饼，于是就试试。一
今次同朋友试下旺角太平道嘅分店。餐厅邻近何文田，附近环境清幽。装潢仍旧很有格调、浪漫，让人忘却烦嚣的都市。
上次没有饮酒，所以今次一心想畅饮一番，叫了一支智利的白葡萄酒(White Wine Carta Vieja Sauvigon Blanc)，好易入口，饮落有桃子及苹果香味，配合海鲜一起，爽呀！
海鲜拼盘
海鲜拼盘好大兜，睇落好正，好新鲜咁。龙虾份量够大，系对半切开上的，好方便食。入边仲有好多膏，食完好满足。蟹的肉质几实正，鲜甜；鲍鱼、翡翠螺、青口几爽口弹牙，整体来讲几满意，正！
火焰西班牙黑毛猪鞍扒猪扒就食得多，但黑毛猪鞍扒就真系第一次食。上枱嘅时候侍应仲落左酒，变火焰猪扒，好玩。睇落去好厚切，好似肉眼扒咁厚，真材实料，对得住呢个价钱。初初都惊佢韧，点知食落又几嫩下，不会「嚡」。伴碟有蕃茄蓉、果蓉、海盐，每种味都不错，值得一试！
霸王软壳蟹配法式红酱意粉
软壳蟹系即炸，新鲜热辣，咬落好松脆，一d都唔油腻，好味。意粉软硬适中，配蕃茄蓉感觉几清新。
黑松露野菌薄饼
本来想叫海鲜味薄饼，但见佢餐牌写住人气之选系黑松露野菌薄饼，于是就试试。一上来，卖相都几好，野菌都够多，而且好香的芝士味。咬落去系脆的，唔同普通薄饼，越食越香，我地好快就食晒，赞！
The Love of Eiffel
这个甜品是必点的，净系卖相都已经超正。每次侍应拿出来，大家的视线都会集中它上，带著羡慕的眼光。要形容它的话，我会称它为「迷雾中的巴黎铁塔」。因为侍应会把雾化的干冰倒在甜品塔下，营造迷幻的视觉效果。甜品塔承载多种甜品，包括芝士蛋糕、慕丝、朱古力、macaron等。单独吃的话味道是很甜的，但配上白葡萄酒食用，便刚刚好了！
再一次证明酒吧也能同时兼顾食物与美酒的品质，日后拍拖、聚会又有一个好去处了。
张贴
