立体派拉麵 (威靈頓街)

营业中

休息中

中环而间隐蔽拉面餐厅, 主打白鸡汤, 好高人气, 晚饭时段坐无虚席, 食完之后, 都觉得同日本质素差不多, CP值好高。特级白汤拉面(小) $88白鸡汤味浓而且香, 饮哂成碗都唔会口渴, 面都弹牙, 鸡肉似系鸡胸肉, 但好嫩滑, 我见大多数人都选择大碗, 鸡肉份量系铺满碗边, 但我觉得细碗都好足够。总括而言, 系会令人记得既味道, 十分之好食。九味酱油汤拉面 $88Order而碗拉面, 纯粹系俾佢配埋既猪腩肉吸引, 先讲酱油拉面, 味道就冇白鸡汤既咁有记忆点, 合格既, 唔会得咸味咁单一。猪腩肉都几大块, 可以切开四大旧, 脂肪部分都好软谂, 瘦肉就有少少柴, 但味道都几好, 而个价钱, 而个份量, 冇咩好挑剔。香炸鸡软骨饺子 $48有别于普通日式饺子, 而款皮比较薄, 炸得比较香脆, 跟埋蛋黄酱, 作为餐前小食都唔错, 但蛋黄酱味道有啲盖过饺子既肉味, 如果用醋可能比较适合, 同可惜既系食到面既一半先炸好, 个时都已经饱饱地。