木蘭館 (已結業)

木兰馆主要做外卖，如果堂食嘅话，首先落好单畀埋钱，然后入隔离舖坐低，店员整好就会拎过嚟。见评论话鳗鱼饭几受欢迎，不过自从哽过鳗鱼骨要入急症室之后😰，我都甚少食鳗鱼，于是叫咗个芝士脆鸡柳拼日本芝士汉堡扒饭，名副其实嘅 double cheese😆。食物上枱，一打开，分咗两层，上层𩠌下层饭，两件炸物其实都系现成嘢，所以味道唔会走样得去边，不过亦都唔算得上有惊喜，其中汉堡较出色，流心芝士味道浓郁；鸡柳芝士味相对较弱，不过啖啖鸡肉口感仍相当丰富。反而我对个饭印象更为深刻，除咗酱汁外，仲铺满海苔粉，相当滋味，好食👍。