靠得住粥麵小館 (德福廣場2期)

营业中

休息中

上次同男朋友去黄大仙个间靠得住食，他一直都好挂住个杏汁猪肺汤，所以提意今晚收工去食，点知原来每间分店都有些不同，德福分店系冇汤卖架！店舖不大，但座位之间都唔会太迫。粥类选择多，好多款都想试！咸肉粽先来一个靠得住之宝，咸肉粽！只粽好香，而且都多绿豆，有一整个咸蛋，小小肥猪肉，包得好结实，2个人share食刚刚好。白鳝球粥（餐，$92）粥底超级绵，又够味，完全唔洗再加调味。最惊喜系白鳝，平时食开嘅白鳝肉质较嫩滑，呢个白鳝口感竟然系爽脆架！真系好好味，真心推介白鳝粥！！白灼黑牛柏叶（餐，$92）欣赏靠得住用黑牛柏叶，因为没漂过，比较健康。切得较幼细，食落就唔韧，但就唔爽口。爽脆鲩鱼皮再来散叫一个靠得住之宝，鱼皮！真系好爽脆，本身都有点麻油和葱香，再点少少辣椒豉油，好味！呢个质素对得起呢个价钱啦！以粥店来说，系比一般的偏贵，但贵得有道理，唔会因为拎左米芝莲是是旦旦交货，单纯一个粥底已经感受到系用心去煮，食完都唔会口渴。