影片
更多
2020-08-19
586 浏览
因为屯马线一期出闸平啲，所以今日就去咗启德站，顺便喺附近揾食，今次就去咗呢间连锁餐厅百分百。装修有点像茶餐厅，亦都有啲旧式西餐厅feel。茶餐都有好多选择，净系餐牌都有四页，炒粉面又有，港式面食又有，一般茶餐亦都有。我就拣咗个炸鸡髀拼薯条，呢个炸鸡髀系即叫即炸，制作需时，大概都等咗15分钟，不过食𠮶阵就觉得系值得等待嘅。鸡髀唔算好大只，但炸嘅时间同火喉控制得啱啱好，完全系做到外脆内软，保留到鸡肉嘅肉汁。炸薯条都系新鲜炸起，上面仲洒上调味，所以唔需要点茄汁都已经觉得好好味！因为知道炸鸡髀制作需时，所以我加咗$6要咗一碗迷你雪菜肉丝米线，佢嘅肉丝应该系用类似猪颈肉嘅部位，食落爽口，雪菜份量亦多，汤底惹味，米线煮得弹牙，$6超抵食！原本想转芒果特饮，可惜店员话啱啱卖晒，唯有叫番杯冻奶茶算数，呢度嘅冻奶茶少甜就真系比平常嘅甜度明显减咗，完全系我心目中少甜嘅效果，所以我都好满意！
装修有点像茶餐厅，亦都有啲旧式西餐厅feel。
茶餐都有好多选择，净系餐牌都有四页，炒粉面又有，港式面食又有，一般茶餐亦都有。
我就拣咗个炸鸡髀拼薯条，呢个炸鸡髀系即叫即炸，制作需时，大概都等咗15分钟，不过食𠮶阵就觉得系值得等待嘅。鸡髀唔算好大只，但炸嘅时间同火喉控制得啱啱好，完全系做到外脆内软，保留到鸡肉嘅肉汁。炸薯条都系新鲜炸起，上面仲洒上调味，所以唔需要点茄汁都已经觉得好好味！
因为知道炸鸡髀制作需时，所以我加咗$6要咗一碗迷你雪菜肉丝米线，佢嘅肉丝应该系用类似猪颈肉嘅部位，食落爽口，雪菜份量亦多，汤底惹味，米线煮得弹牙，$6超抵食！
原本想转芒果特饮，可惜店员话啱啱卖晒，唯有叫番杯冻奶茶算数，呢度嘅冻奶茶少甜就真系比平常嘅甜度明显减咗，完全系我心目中少甜嘅效果，所以我都好满意！
张贴
