炑八韓烤親子餐廳

营业中

休息中

炑八烧烤今日带埋老婆同个仔去观塘必去既亲子韩烧，有得玩又有得食。今次知佢地有新主题，所以顺便试下新野。妈咪围炉取暖套餐：可以食足玩足2小时，某d食物仲可以refills，而且食物选择种类又多。拼盘：包括有韩式大虾/特制LA骨/月见韩牛前胸肉/香烤梅花肉/蜜糖鸡腿肉，以上全部都可以无限续叫。韩式大虾：每一只都好似我成只手掌既size，啖啖肉。特制LA骨：腌得好入味，而且肉质好嫩。牛前胸肉：肥瘦适中，牛味极浓。梅花肉：好厚好大块，肥瘦相间，猪肉味好出。讲起依个餐最特别就系可以烤野食，有香蕉/柑/红枣/腰果/棉花糖/紫薯饼可以放炉边慢慢烤熟，有惊喜之余亦好创新。除左大人有好野食之外，点少得小朋友𠮶份，我就叫左几个小朋友餐试下，大人小朋友都arm食。春日华尔滋盛合便当：个饭盒做得好精致，成个琴谱咁，小朋友见琴都双腰发光，好食又好睇，又健康。缤纷兔仔造型饭团：兔仔造型好可爱，而且仲有小朋友最爱既炸鸡。春天协奏曲全日早餐：依个餐大人小朋友都钟意，块鱼柳有半条手臂咁长，炸鱼个火喉刚刚好。终于到大人小朋友最爱既甜品环节甜蜜朱古力火锅：朱古力好浓唔会太甜，有好多配料，棉花糖/蓝莓/士多啤梨/雪糕/多士。