喜來稀肉 (金巴利道)

营业中

休息中

虽然今年冬天唔太冻，但都会特别想食啲热辣辣嘅野，所以又黎食喜来稀肉，已经唔记得黎左几多次喇。例牌一坐低先黎前菜三小碟，虽然佢地嘅前菜款式唔多，但泡菜好够辣，跟返韩国口味。生菜可以用黎包住烤肉食，都系免费。炉边蛋系我食韩烧其中一样至爱，一边加左泡菜一边加左芝士，佢地个炉火力唔会太猛，炉边蛋唔会好快烧到老晒，就算慢慢食都唔怕，每次我都起码refill一次。梅肉($180/200g) - 200g有两块，每块大约有手掌咁大，梅肉冇筋肥瘦适中，因为本身冇调味，我自己就钟意蘸调味盘中间嘅韩式辣酱食，都几惹味。生牛肉拌饭($105) - 拌饭上面有生牛肉、鸡蛋、芽菜、菠菜、红萝卜、椰菜同菇，颜色非常鲜艳吸引。加埋韩式辣酱落去捞，食落去甜甜辣辣咁好开胃，生牛肉好滑，完全唔会有血腥味。埋单时原来每人仲送一条雪条，有三款口味拣，我就拣左蜜瓜味。总结，喜来稀肉食左咁多年都系咁抵食好食，抽风做得好，食完唔会成身烤肉味。