濱松町日本料理

营业中

休息中

第二次食呢间位于佐孰的日本餐厅 滨松町日本料理，外面睇系一间简约平民的居酒屋，但里面既食物质素绝对系比好多主打高级日本料理既餐厅都仲要高质。一坐低就先点左一份特上寿司盛（十贯），里面我认为最值得一赞既系海胆寿司，不旦一点腥味都没有，仲有好浓好鲜既海胆味，好食到想另外单点多两三件，另外就系拖罗寿司，品质非常好既高级食材！除此之外，烧蚝都系必点之选，本身我唔太喜欢食蚝，特别系生蚝，但呢个烧蚝我却系食过翻寻味呀！因为真系一点都唔会觉得腥，而且劲肥劲大只，大只到我要分两啖食！另外服务员态度非常好，会主动推介当日特选海产，仲会系我地用餐完毕后主动上前问下我地既满意程度。仲送左两个甜品比我地，个甜品亦都系非常特别，从来没系其他地方见过或者食过，至于系咩黎，我就唔系度讲啦，留返少少神秘感，建议你地都去试下呢间餐厅！