影片
更多
2021-05-28
572 浏览
朋友搬咗入鸭脷洲多时，我一直都未有空拜访。直至星期一我去开金钟做嘢，咁就的起心肝约佢吧🙈。佢带咗我去利东商场嘅「御名园」食晚饭，就咁睇门面完完全全系一间街坊酒家👀。不过可能正正系街坊店嘅关系，部长以至店员们嘅服务态度都超好👍，人情味特浓，佢哋礼貌好到令我有啲唔好意思，哈哈。星期一晚上唔算太多人，但都叫做坐满个大厅。餐厅做街坊生意，定价自然大众化，佢提供大量晚饭优惠小菜以供选择，价格分别为$58、$68及$78。其实仲平过茶餐厅嗌𩠌食饭啰‼️，如果酒楼开喺我楼下，我同屋企人一定会成日去食。鲍鱼汁扣原件花胶($28.8/件)，我哋茶都未开之际，店员就已经推介一定要食花胶😜。我本身唔特别好，但见个震撼价真系好鬼平，就一于唔好蚀底。花胶扒好大件，一人一件都要用煲仔饭个煲先放得落！花胶炆到超软绵，胶原蛋白满满，仲吸哂鲍汁嘅味道，好惹味啊。我哋仲特意留低个汁阵间再食。题外话，店员见花胶放耐咗，仲主动提议帮我哋滚返热佢🔥，服务非常细心。生猛西澳洲龙虾配上汤焗伊面底($338/只)，澳洲龙虾最近卖得平咗好多🦞，但酒楼卖呢个价近乎同自己买料煮差唔多，性价比极高。餐牌写龙虾约有一斤四両重，我觉得甚至唔止添。
朋友搬咗入鸭脷洲多时，我一直都未有空拜访。直至星期一我去开金钟做嘢，咁就的起心肝约佢吧🙈。佢带咗我去利东商场嘅「御名园」食晚饭，就咁睇门面完完全全系一间街坊酒家👀。
不过可能正正系街坊店嘅关系，部长以至店员们嘅服务态度都超好👍，人情味特浓，佢哋礼貌好到令我有啲唔好意思，哈哈。星期一晚上唔算太多人，但都叫做坐满个大厅。
餐厅做街坊生意，定价自然大众化，佢提供大量晚饭优惠小菜以供选择，价格分别为$58、$68及$78。其实仲平过茶餐厅嗌𩠌食饭啰‼️，如果酒楼开喺我楼下，我同屋企人一定会成日去食。
鲍鱼汁扣原件花胶
$28
9 浏览
0 赞好
0 留言
生猛西澳洲龙虾配上汤焗伊面底($338/只)，澳洲龙虾最近卖得平咗好多🦞，但酒楼卖呢个价近乎同自己买料煮差唔多，性价比极高。餐牌写龙虾约有一斤四両重，我觉得甚至唔止添。龙虾足以拆成十几球，仲要全部都大大嚿，食龙虾食到饱真系第一次🤣。
西澳龙虾比波士顿龙虾好食😋，肉质爽弹，味道鲜甜。另外，亦讲多少少两者嘅分别，西澳品种嘅虾头同虾尾相对较细，肉身则饱满，好多人仲拎佢嚟做刺身添。咁样足以证明西澳龙虾喺龙虾界嘅地位亦唔轻🇦🇺。
餐厅嘅烹调方法系用上汤焗制，配伊面底🍜。高汤咸香十足，芡汁唔会过笠，而且并没有盖过龙虾嘅鲜味呢！伊面喺底索哂啲精华，邪恶到不得了🤤。本身惊未必食得哂，但太好味，一啖接一啖，不知不觉间就将佢KO咗。
黑椒葱爆安格斯牛柳粒
$158
7 浏览
0 赞好
0 留言
瑶柱海味杂菜煲
$68
7 浏览
0 赞好
0 留言
木瓜红枣炖雪耳
5 浏览
0 赞好
0 留言
总括嚟讲，御名园实而不华，凭煮出美味菜式同提供优质服务，已经能捉住客人嘅心💯。餐牌上写住「皇者之风．百姓滋味」，而家谂落都真系几贴题。虽然我哋最终埋单都唔平，因为食咗龙虾，不过丰俭由人啦，斋食小菜亦得。基本上每个部份我哋都好满意，唯一就系略嫌餐厅个冷气弱咗少少啰🥵，但问题不大！
张贴
