影片
更多
2014-07-07
2499 浏览
旧公司同事聚会，数数手指有D同事十几年冇见，太空超人话呢次系百年难得的聚会，20位大人7个细路，好期待 。翠丝建议入流浮山明记，话识人好抵食，可以预早帮我哋订定海鲜，新鲜好味，今次辛苦晒翠丝。去到明记，留咗两张12人枱比我哋，我哋27人坐太廹啦 ，要求转其中一张去旁边嘅14人枱，服务生居然要走出去问先返嚟帮我哋转。人多真系好，可以食好多好多唔同款嘅海鲜，果晚我哋饮咗汤，食咗蜜糖金蚝、粉丝蒸扇贝、清蒸鲍鱼（以上三款各20只），另外椒盐赖尿虾、油盐焗蟹就各10只，清蒸石斑两条，每条斤半左右，仲有豉椒炒大圣子、椒盐鲜鱿、蒜蓉蒸开边虾、白灼花螺、清炒菜心、腐乳炒通菜、招牌炒饭、菜胆鸡；油盐水花甲去到话冇货。汤比较清，未试过海鲜汤会咁清，我果枱大家攞咗一碗都冇再添。豉椒炒大圣子，亚仔好钟意。第一次食金蚝，原本以为好似海味舖买到的本地生晒蚝咁充满香浓嘅蚝味，满心期待，点知系两件事嚟，蜜糖金蚝味道淡咗D㖞。粉丝蒸扇贝比咗亚仔食，佢话好好味，初初佢仲唔食粉丝，我话呢D先系精华，叫佢试吓，试咗之后觉得好味到连爸爸果份粉丝都食埋。清蒸饱鱼够谂，味道可以。椒盐赖尿虾香口惹味，如果D赖尿虾可以大只
翠丝建议入流浮山明记，话识人好抵食，可以预早帮我哋订定海鲜，新鲜好味，今次辛苦晒翠丝。
去到明记，留咗两张12人枱比我哋，我哋27人坐太廹啦 ，要求转其中一张去旁边嘅14人枱，服务生居然要走出去问先返嚟帮我哋转。
人多真系好，可以食好多好多唔同款嘅海鲜，果晚我哋饮咗汤，食咗蜜糖金蚝、粉丝蒸扇贝、清蒸鲍鱼（以上三款各20只），另外椒盐赖尿虾、油盐焗蟹就各10只，清蒸石斑两条，每条斤半左右，仲有豉椒炒大圣子、椒盐鲜鱿、蒜蓉蒸开边虾、白灼花螺、清炒菜心、腐乳炒通菜、招牌炒饭、菜胆鸡；油盐水花甲去到话冇货。
汤比较清，未试过海鲜汤会咁清，我果枱大家攞咗一碗都冇再添。豉椒炒大圣子，亚仔好钟意。
第一次食金蚝，原本以为好似海味舖买到的本地生晒蚝咁充满香浓嘅蚝味，满心期待，点知系两件事嚟，蜜糖金蚝味道淡咗D㖞。
粉丝蒸扇贝比咗亚仔食，佢话好好味，初初佢仲唔食粉丝，我话呢D先系精华，叫佢试吓，试咗之后觉得好味到连爸爸果份粉丝都食埋。
清蒸饱鱼够谂，味道可以。
椒盐赖尿虾香口惹味，如果D赖尿虾可以大只D就更好啦。椒盐鲜鱿够脆、脆浆唔太厚，小朋友至 like。
蒜蓉蒸开边虾系我提议嘅，但冇指明要咩虾，以前食开大小小的海虾嚟蒸，今日D虾太细，我唔会攞嚟咁整，有D虾仲好似霉咗，海鲜唔应该系咁 ，听到爱妃话粉丝好食，即刻试吓，我个人就觉得咸，虽然系咁，因为系我提议，我好努力食咗好多，减少厨余，C 先生回程系车度话应该成碟攞返入厨房。
白灼花螺好鲜味 ，食咗齿颊留香。条石斑蒸得刚好，要赞吓。
清炒菜心冇食，亦听唔到大家讲咩，但D通菜就好爽脆、鲜嫩可口。因为我哋早到，初时上菜好快，食咗一轮，开始人多，厨房就好耐冇嘢出比我哋。咁都好，大家可以落下格倾吓计，唔知系唔系太开心，所以讲到口水亁，系呢段时间我已经饮咗好多杯茶。
过咗好耐，又开始上菜啦，油盐焗蟹用奄仔整，而家啱食够晒多膏、上咗枱好耐食都仲好热、而且好似有种用碳焗嘅香味 。招牌炒饭唔油但唔够粒粒分明，不过有D韧度好得意，唔知系唔系佢嘅特色。
菜胆鸡冇食亦冇相（所有相系太空超人用手机影），但爱妃同婆婆话好有鸡味。饭后送咗橙比我哋食，我冇食但估应该 OK，因为亚仔同米雪个姪女不停咁食。返到屋企一家三口仲系超口渴，系咁谂有咩可以解渴，水、茶、东瓜水、橙汁、汽水都饮咗，点解仲咁口渴㗎 ？
成个流浮山有咁多海鲜酒家，明记呢晚都全院满座，不过我下次会试吓第二间，因为个人认为应该有仲好D的选择。但今晚主要目的系见吓大家，好开心咁多人可以出到嚟，最感谢系翠丝一切的安排。
张贴
