大和堂咖啡店

营业中

休息中

上星期下午落咗九龙城食晏，可能系平日嘅关系，难得大和堂咖啡店唔使等位就可以入座。大和堂咖啡店前身系开业八十几年嘅大和堂参茸药行，喺九龙城长大的年轻店长唔忍心老店就此消失，所以将结业嘅老中药行改装成咖啡店，仲保留返大部分原有嘅装饰，例如牌匾、百子柜、等等、令咖啡店更有特色风格。大和堂鲜奶咖啡店舖将伯爵茶同鲜奶咖啡融合，再加入蜜糖点缀。茶香非常，亦可以喺茶香中品尝到淡淡咖啡味，味道算系唔错，绝对值得一试。不过我个人就略嫌伯爵茶味盖过咗咖啡味。麻辣蛋M5和牛汉堡味道好好，麻辣得嚟又唔会话好强，中间嘅和牛汉堡亦非常juicy。跟随汉堡嘅有炸到脆卜卜嘅薯堡，点上一样麻辣嘅酱汁，非常惹味。