西宮 (已結業)

見平平地就膽粗粗同朋友去試，講真，百幾二百蚊，沒有特別大期望架，志在百零蚊換個自助餐快感！起初上到去係有啲啲驚，面積唔大有啲暗，裝潢舊舊地，但提返自己，普通餐廳啫，價錢咁平，仲想點。放低袋行左個圏，嘻嘻，立即定返晒，仲開始拎碟....陷入作戰狀態!!!款式算多((再記返個價錢!好抵食!))元朗區無咩酒店，要食buffet下下出市區食，車費都好金！ 突然口痕想食時，真係可以止下痕。冷盤有...青口，蝦，最驚喜係有蟶子，沙律，長通粉沙律...另一張枱有芝士，煙三文魚，鴨胸, 中華沙律，枝豆，螺肉，日式冷麵，麻醬豆腐.....冷盤推介~ 溫泉蛋，蛋味濃，滑，豉油襯得剛剛好，唔會太咸。~ 蟶子， 少見，很鮮甜。壽司刺身.. 壽司約有4-5款，火焰三文魚，熟蝦，卷物，手卷。 刺身有: 三文魚，蝦，希靈魚，墨魚刺身推介~所有刺身，新鮮，可以一次過拎晒咁多款~火焰三文魚，細細舊飯，唔會太飽熱食芝士焗蠔，豬頸肉，牛扒，麵檔，吉列蝦和南瓜餅，咖哩，津白，秋刀魚，三款腸仔，即煮麵檔，即焗小pizza多士.......我應該數漏，因為都真係堅多熱食推介~芝士焗蠔， 芝士很香，焗完後蠔size都算正常，唔會太