牛匠石燒 (已結業)

🍴餐厅：牛匠石烧📍地址: 尖沙咀金马伦道34-36A号福侨大厦地舖好挂住鹿儿岛屋台嘅石烧烤肉，无得去旅行，上网揾咗呢间牛匠石烧，见到午餐餐牌百几蚊就有交易，仲要包埋芝麻豆腐、面豉汤、白饭、甜品同饮品，今日就和爸爸过来试一试，好深印象就系每人有一条围裙，好贴心，又会不断帮你换𠮶张牛油纸，饮品叫咗杯热饮，估唔到系劲大杯外卖包装，饮唔晒可以拎住走，整体感觉唔错。🦬特选经典牛三品定食(澳洲牛肩胛、澳洲M9牛胸肉、严选封门柳)估唔到澳洲牛都可以咁软身㖞，都有少少入口即溶嘅感觉，牛肩胛好重油脂好浓味，完全唔使点酱汁都好好食🐐殿堂烧（京川味烧羊肉定食）送甜品好少见有羊肉，所以就点咗呢一个定食，呢个餐一直庆住上，热辣辣出晒烟，调味调教得好好，除咗芝麻豆腐、面豉汤、白饭之外，仲有甜品同埋沙律前菜，甜品将蓝莓同薄荷叶分开，自己加落去布甸。🥤可口可乐、🐝热蜂蜜生姜茶蜂蜜生姜茶超大杯，食完烧肉之后可以解下油腻感🦐和风脆豆腐、吉列炸虾(2只)两款站物都炸得超脆，脆豆腐嘅特别，平时椒盐豆腐𠮶种食得多，第一次食和风炸豆腐，如果加埋芝麻酱就一流。