蛇王兄 (已搬遷) 新店位置

本来今晚系到湾仔六十四楼食 360 度海境西班牙菜架 ﹗但朋友爽约，唯有返上水食自己 ﹗独自蛇一蛇啦 ﹗五蛇汤，经常都唔同味既？真搞笑，材料份量咁随意？而且一时杰又一时水呢，不过都好味道，最紧要趁热饮，冻左就麻麻地喇。细蛇羮，先试几啖原味先 ﹗有木耳、冬菇、蛋花、等等，蛇肉当然唔少得啦。可能刚刚入秋，蛇肉未够肥美，不过都好好肉地。再加醋、胡椒粉、柠檬叶丝，味道丰富，材料够份量，正 ﹗蛇油鸡饭一碗，展兄食过都话一定要 encore 既蛇油鸡饭呀 ﹗鸡味虽然略淡，不过胜在蛇油香浓，咸香又带甜，加上神秘既引力，夹得刚好 ﹗肉质嫩滑，肥瘦得宜。但点解食左咁多次都无鸡髀既？剩系得鸡翼、鸡背同鸡胸，无理由次次都无髀食架㖞，唔通只只鸡都系跛既？葱油调得非常香口，白饭加蛇油再捞埋葱油，真系可以食到几碗饭呀 ﹗无懈可击呀 ﹗