影片
更多
2022-08-24
460 浏览
朋友专登出嚟佐敦揾我食饭，我带咗佢去一间想食好耐嘅餐厅🤣，就系位于德兴街嘅「Mizu」。由于我哋预早打电话订枱，店员专登留咗张梳化位畀我哋。餐厅环境由内至外都满有格调，装修简约舒服。日头佢系一间有午餐卖嘅咖啡店，夜晚就摇身一变成为主打日式串烧嘅酒吧餐厅。佢绝对称得上为一间百变小店！餐厅每日五点前会提供Brunch Menu🍽，款式种类都几唔同，包括有沙律、意粉、全日早餐同日式定食等，价钱由$98至$188不等，我认为定价都稍为进取。串烧鸡定食($188)，呢度既然系串烧店，就当然唔可以错过佢嘅串烧🍢，吧枱位置更会见到师傅烧嘅过程，每串精心处理，一啲都唔马虎。定食有三款串烧同少量烧蔬菜，而底部就系蘸咗肉汁嘅珍珠饭。定食内容丰富🍱，包括前菜、沙律同汤。汤虽然系面豉汤，但冇出面餐厅嘅咁咸，而且好多料。前菜系木鱼丝鲣鱼汁菠菜，味道清爽；另外仲有腌菜荞头开开胃。第一串系日本华味鸟手羽先，即系盐烧鸡翼🍗，鸡皮烧到脆卜卜，不得了。再者，鸡皮啲脂肪好似喺烧嘅过程中蒸发晒，食落一啲都唔油腻。鸡肉肉质细滑，所以简单用盐调味已经好掂！第二串系秘制鸡肉棒棒，佢系免治鸡肉制品🐔，并附上日本兰黄蛋汁食用🍳，食落多
朋友专登出嚟佐敦揾我食饭，我带咗佢去一间想食好耐嘅餐厅🤣，就系位于德兴街嘅「Mizu」。由于我哋预早打电话订枱，店员专登留咗张梳化位畀我哋。
餐厅环境由内至外都满有格调，装修简约舒服。日头佢系一间有午餐卖嘅咖啡店，夜晚就摇身一变成为主打日式串烧嘅酒吧餐厅。佢绝对称得上为一间百变小店！
餐厅每日五点前会提供Brunch Menu🍽，款式种类都几唔同，包括有沙律、意粉、全日早餐同日式定食等，价钱由$98至$188不等，我认为定价都稍为进取。
串烧鸡定食
$188
22 浏览
0 赞好
0 留言
定食内容丰富🍱，包括前菜、沙律同汤。汤虽然系面豉汤，但冇出面餐厅嘅咁咸，而且好多料。前菜系木鱼丝鲣鱼汁菠菜，味道清爽；另外仲有腌菜荞头开开胃。
第一串系日本华味鸟手羽先，即系盐烧鸡翼🍗，鸡皮烧到脆卜卜，不得了。再者，鸡皮啲脂肪好似喺烧嘅过程中蒸发晒，食落一啲都唔油腻。鸡肉肉质细滑，所以简单用盐调味已经好掂！
第二串系秘制鸡肉棒棒，佢系免治鸡肉制品🐔，并附上日本兰黄蛋汁食用🍳，食落多汁又够味。不过如果棒棒能加入鸡软骨，定必更有咬口。
第三串系烟肉卷，🥓烟肉中间包裹菜叶，估计应该系油墨菜？原本我哋惊串烧夹咗菜，未必咬得开，但实际上唔使担心。
塔尼之诺芝士配什菌沙乐美肠意大利饭($128)，呢个算系咖啡店类嘅食物。🇮🇹🍚意大利饭口味正宗，佢并唔系就咁加啲忌廉汁落去煮就算，反而系做得到「煮唔熟、好似生米」嘅质感。即使份量唔算好多，但已经够晒饱。
调味上，餐厅选用塔尼之诺芝士🧀，我第一次食呢只芝士，佢味道浓烈，但又唔系死咸𠮶种，几特别。相反地，沙乐美肠同什菌更带出咸香🍄。另一边厢，意大利饭会跟配一客柚子醋沙律。
百利甜酒鲜奶咖啡
$76
9 浏览
0 赞好
0 留言
总括嚟讲，呢间餐厅好高质🌟，各方面都好出色，而我更想特别赞吓女店员嘅服务。佢非常友善👍，乐于同客人交流，拿捏得好好，又建议客人衬热同脆时先食咗串烧鸡便当，最后仲送上晚市Coupon。见系佢，我一定会再嚟支持吓啦😊！
张贴
