肉餅哥小炒料理 (已結業)

点呢一款肉饼嘅时候，我哋有问过职员到底拣蒸好定还是煎好，店员谂都唔使谂就答左煎！咁好啦，我哋就一于拣煎。叫呢个肉饼嘅时候系特登拣菜饭，因为觉得食太多肉怕滞，所以就想要啲绿色嘅蔬菜去帮助消化。菜饭里面嘅菜份量都唔少，保证每一啖都有菜入口 ; 而流心芝士肉饼比我想像中做得出色，难怪有咁多人推介。肉饼面头𠮶块芝士都有返咁上下厚，而且用火枪烧过㶶㶶地，更加可以吸引到我嘅食欲; 煎过嘅肉饼增加左香脆嘅口感，切开肉饼里面嘅芝士系流心拉丝，芝士同肉饼出奇地夹，食晒成块都唔会觉得滞，正呀原来肉饼哥除咗肉饼做得出色之外，佢嘅炸鸡脾都唔弱——辉哥e级炸鸡脾只炸鸡髀唔单止系大只，而系巨型！大过我部iPhone呀！只脾唔系得个大字，味道都好好。鸡皮炸得松脆，肉又够多，而且嫩滑，无雪藏味 呢只鸡脾做下午茶一流