神燈燒 (已結業)

呢排先知，原来咁多人钟意神灯萧生。阿爸成日喺屋企睇萧若元，一定系粉丝，知道佢有新餐厅，就同佢捧下场。呢间野前身系一间锯扒舖，专食韩牛美国牛等唔同嘅扒类，食过一次，质素唔错，仲要有好多人前菜、饭、汤等等。宜家转咗名之后，都系以任食为主。当然最重要都系佢嘅烧肉同海鲜，基本上Level 2 已经好好，牛肉选择真系非常之多，有美国西冷、封门柳。烧烤方面、有带子、虎虾、蚝，全部质素都好，回本之选。炸物、小食、非常之多，食到你惊，鸡翼、炸鸡、薯角、芝士年糕、炸蚝、鱿鱼，应有尽有，你千祈唔好好似我哋咁一开头就叫咁多样炸物，如果唔系就好快好饱。热盘嘅花螺同鸭血我觉得特别好，唔知系咪佢喺台湾买开鸭血，来货靓。前菜都有好多种 ，八爪鱼同螺肉就最好。仲有唔少特色菜类，我吃了几种，最好系烧蒜粒同牛油金菇。最开心系饮品甜品都任饮任食，以呢个阵容，好食过好多出面任食。唔怪得咁多人支持佢，我见到有人仲要特登同佢个造型影相。原来，百货真系百客。