Mad Time Studio (已結業)

妈子生日，知佢唔钟意D劲甜又多忌廉嘅野，又想要特色D又唔能够太花巧，上网揾下先🤫记得旧年圣诞party，有同事买左个栗子大泡芙，大家试完都觉得正，用料十足又好圣诞feel，原来系公司楼下地牢𠮶间隐蔽又神秘既蛋糕店，经过几次都唔知佢卖蛋糕。最近发现原来佢搬左上地面，仲好吸睛，黄白色嘅门面，走工业风，又系要走埋去至会知原来卖蛋糕，哈哈，有性格！一于响度拣个生日蛋糕，最后同呀妹商讨一轮～.百里香柠檬挞～因为我地系柠檬挞粉丝😂当然妈子都钟意柠檬味嘅野啦！讲番个挞，佢用左百里香衬柠檬，又真系几特别，出面多数都系最基本同正常嘅～柠檬挞，唔会有咩惊喜，但今次依个系impress 到我地，酸甜平衡，有淡淡香草清香，上面仲有烧蛋白，蛋白脆饼，糖煮柠檬（估计应该系自己煮），加埋几条百里香作装饰，简约大方；而挞底仍然keep到松脆，真系好难得，我地三个女人好快已经KO左😆好难得的特色小店，食得出佢地嘅用心，下次试埋个柠檬蛋糕VERY LEMON先😋PS 师傅手字好靓，完全锦上添花