薩莉亞意式餐廳 (大元街市) (已結業)

今日约左个好耐冇见既中学同学见面，系大埔唔熟路肚又有少少饿咁岩见到有萨莉亚，紧系即刻入去!食左咁多次既我已经连餐牌都识背!好熟手咁叫左我既FAVOURITE，三文鱼沙律!略咸既烟三文鱼配上爽甜生菜，再加上少少酸既沙律酱，正呀!超级开胃!平时叫开蒜蓉包既我今次谂住试下佢个芝士法包，佢个面真系铺埋晒芝士!!!咬落去果下个包外脆内软但真系咸到冇朋友!食完要饮成杯水!另外仲叫多左个烟肉芝士薯角，好多芝士好正!连埋D薯角食味道岩岩好!!!唯一美中不足系D烟肉有D DRY我个FD叫左个帕马火腿PIZZA，可能我都系钟意D野切粒粒平均分布，个PIZZA对于我黎讲好难处理，个火腿咬既时候要断唔断咁!味道都淡，一句讲晒唔多识欣赏。但OVERALL都系满足，由于食完会再食糖水，所以净系叫左D小食依下肚。