影片
更多
2014-10-20
1743 浏览
趁著天朗气清，又喺放假，最好节目都喺行吓山，接触一吓大自然，因为家住美孚又近西铁，所以，好多时行山都拣西铁北行沿线。今次想轻松啲，就选咗麦理浩径第10段，低难度，平路多，一大段喺沿引水道行，不过，就番交通、食晏，所以我哋先入到屯门，行过去麦理浩径嘅终点，由尾倒转行，兼且趁中段退路位出番扫管笏，再返屯门V City揾食，又方便搭番车返屋企。心水拣咗罗麦记，纯因想带表儿甥嚟了解吓啲「怀旧」嘢。因为今次行得真喺好迤，加上表儿甥算喺个花草专家，有研究吓香港原生植物，所以，遇有发现就边介绍，文末再分享吓，故此，比预计嘅时行超咗成个钟，但估唔到嚟到罗麦记已经喺挨近下午茶时段，都仲喺咁多人晌门口等位，幸而，人流快上快落，唔使等多久就有位。但晌等位期间，门口侧旁嘅老爷黑白电视机、古董电话、收音机……等等，已够回味！罗麦记嘅其中一个卖点，就喺玩怀旧，走到入店内，的确几有怀旧趣味。由复古格仔地砖、怀旧商品海报、出名品牌标记、仿九龙皇帝墨宝……以至康乐旗枱垫、学生手册菜牌，都喺70年代嘅集体回忆，老实讲，小弟正正就喺70后，故然有更深体会，忆起更多成长往事。但喺，相差一代嘅表儿甥就话对依啲嘢印象比较模糊嘞。
因为今次行得真喺好迤，加上表儿甥算喺个花草专家，有研究吓香港原生植物，所以，遇有发现就边介绍，文末再分享吓，故此，比预计嘅时行超咗成个钟，但估唔到嚟到罗麦记已经喺挨近下午茶时段，都仲喺咁多人晌门口等位，幸而，人流快上快落，唔使等多久就有位。但晌等位期间，门口侧旁嘅老爷黑白电视机、古董电话、收音机……等等，已够回味！
罗麦记嘅其中一个卖点，就喺玩怀旧，走到入店内，的确几有怀旧趣味。由复古格仔地砖、怀旧商品海报、出名品牌标记、仿九龙皇帝墨宝……以至康乐旗枱垫、学生手册菜牌，都喺70年代嘅集体回忆，老实讲，小弟正正就喺70后，故然有更深体会，忆起更多成长往事。但喺，相差一代嘅表儿甥就话对依啲嘢印象比较模糊嘞。
本粉蓝色「手册」既有校名，又有校徽，最抵死连啲折纹都扮埋，唔好以为佢「摷」咗，摸摸个面其实几平滑，做得认真维妙维肖，好抵死。打开里面，当然唔会有家课纪录，一页又一页嘅食物，除起首嘅十大必食之外，其他都分门别类，部份又有图片参照，而菜式旁见到「兔仔印」表示店家认为嘅必食推介。
除咗张康乐旗纸枱垫之外，点餐后，有张「顾客点菜」纸跟手，点咗乜一目了然，标埋单价及总数，最搞嘢用个超大个衣夹挟住，又喺一个有趣位！
行完山，大家都超口渴，所以，第一时间都点嘢饮先，就连平时唔好饮嘢嘅老婆都整番杯雪糕红豆冰添。饮品方面，有好几款特饮，难得一场入到嚟，当然想饮得特别少少。红豆冰粒粒奶茶 $38
因为被列为店家嘅十大必食之一，吸引咗我去试，唔晒多讲，顾名思义就知佢卖乜。奶茶红豆冰依家晌美心都有得卖，而罗麦记依杯就升华至加入以奶茶做嘅冰粒，令到个冻奶茶饮到尾都仲咁浓郁，而红豆又煮得腍，味道清甜。由于我哋点咗一客粉面，餐饮可以优惠价加配（热饮+$8、冻饮+$10、特饮+$28），所以，实际杯粒粒奶茶只收我哋$28。
雪糕红豆冰 $38个雪糕红豆冰就比较大路一啲，红豆、奶水、云呢拿雪糕球嘅组合，无咩惊喜，但记得细细过时去啲冰室饮依个喺件几巴闭嘅事嚟。
凤梨粒粒冰 $38表儿甥见佢喺推介又想试试，佢话又几过瘾㖞，因为部份啲粒冰喺菠萝肉做，好似细细个读小学时，晌小食部买𠮶啲冰菠萝，当然唔少得一般菠萝肉啦，冰凉清爽，酸酸甜甜，入口为之精神一振。
虾多士 $58另一款十大必食之一，睇相就几吸引喇！一客有5件，以法包加上虾胶所做，虾胶内仲刻意加入粒粒葱花，睇落有少少油，但食落又唔喺好腻咋㖞，入口够晒热辣，虾胶又落得几足秤，兼爽口弹牙，另外沾一点他他酱，更加提升一吓虾鲜味。
麦sir乳鸽仔 $52见好多枱都有点，之前睇过食评亦有唔少人赞，加上又喺十大必食之一，所以，不期然都想一试。乳鸽仔细细只，但炸得金黄烫热，外表富光泽，估唔到又真喺颇香脆；而鸽肉好松软，亦挺嫩滑，可以讲喺不负十大之名。
避风塘鸡翼 $58同样有一客5件，鸡翼之上铺得满满嘅金蒜，一送上枱香气四溢，睇见都咪话唔流口水。一咬落鸡翼外层热辣脆口，很浓蒜香，带少少辣，鸡肉多汁无话「干争争」，非常惹味，真喺一啖冰，一啖鸡翼，食得好爽！
滑蛋牛肉煎脆米 $68点解个标题叫「百麦一疏」，咪就喺依个脆米啰！晌餐牌中「香港情怀」系列中，见依个脆米颇为特别，又有「兔仔印」，点知中伏咗。其实个卖相唔差，以米粉做成一件件三角形脆米，配以超滑嘅滑蛋牛肉，最可惜喺个脆米饼又干又硬，好影响个口感，真喺百密一疏，要俾个「黑猪印」佢！
美绿牛奶包 $35最后贪得意点多个美绿牛奶包，其实佢喺属于多士类，咪以为甜品嚟，以奶酱多为本再糁上美绿，花生酱用上粗粒，睇就几特别，食就唔会有咩惊喜，加上烘得唔够时间，未够脆底。除非你本人好钟意食奶酱多，否则$35食一客奶酱多感觉有啲奢侈。
小食类的确做得唔错，有水准，只喺临尾嘅脆米饼意外咁差，加上大部份菜式都唔平，故此，此行觉得俾住个OK先。饱餐一顿，力气都返晒嚟，题外话，顺便都分享少少行山相片，部份都几有趣，小弟从表儿甥身上都学咗唔少香港原生植物。麦理浩径及屯门径交叉位
山菅兰，咪睇佢紫得咁靓，有毒架！
葫芦茶，留心啲就知点解叫「葫芦」，虽然得块叶，其实喺会开花！
猫尾草，未开花前毛茸茸好似猫尾咁，有长有短，好得意！
簕𣗋花椒，真喺可用作香料，搣少少落嚟捽吓佢，确有辣椒香味，点解影低佢，因为见到有只不速之客啰！
以下喺唔使行使成条麦理浩径第10段嘅两个退出位，都喺去返扫管笏！
已经跟表儿甥讲好，下次跟佢再行过，至多又喺由我请食晏！
张贴
